Navukoŭcy stvaryli štučny intelekt, jaki pradkazvaje vierahodnaść śmierci čałavieka
Rasijskija navukoŭcy sumiestna ź bijałahičnym startapam Gero stvaryli sistemu štučnaha intelektu, zdolnuju vyličać bijałahičny ŭzrost i vierahodnaść zaŭčasnaj hibieli čałavieka pa dadzienych ź fitnies-trekiera, havorycca ŭ artykule, apublikavanym u časopisie Scientific Reports.
«My pakazali, što štučny intelekt dazvalaje acanić bijałahičny ŭzrost paddoślednych i vierahodnaść nastupleńnia śmierci. Dla dakładnych vynikaŭ nie patrabujucca miedycynskija analizy — dastatkova dadzienych pra ruchi čałavieka, zapisanych fitnies-trekieram», — raspaviadaje Piotr Fiedyčaŭ, zahadčyk łabaratoryi ŭ Maskoŭskim fizika-techničnym instytucie, i navukovy dyrektar Gero.
Jak raspaviadaje matematyk, uvasobić hetuju ideju jaho kamandzie dapamoh prajekt NHANES, u ramkach jakoha sacyjalnyja i miedycynskija słužby ZŠA z 2003 pa 2006 hod sačyli za zdaroŭjem niekalkich dziesiatkaŭ tysiač miedrabotnikaŭ. Baza dadzienych, padrychtavanaja aŭtarami prajekta, ŭklučała nie tolki źviestki pra zdaroŭje dobraachvotnikaŭ, ale i infarmacyju ź fitnies-trekiera, što dapamahło navukoŭcam «nadresiravać» štučny intelekt.
«My navučyli niejronnuju sietku vyjaŭlać niespryjalnyja tendencyi — źviazvać paśladoŭnaści ruchaŭ, jakija paŭtarajucca, z dadzienymi miedycynskich historyj i pakazčykami analizaŭ. Štučny intelekt vydatna spraviŭsia z zadačaj: vyjaviŭ paddoślednych z hrupy padvyšanaj ryzyki i vyznačyŭ ich ryzyki śmiarotnaści dakładniej, čym tradycyjnyja mietady, jakija prymianiajucca ŭ daśledavańniach stareńnia», — raspaviadaje navukoŭca.
Naprykład, raźliki sistemy ŠI pakazvajuć, što vierahodnaść pamierci pavyšajecca prykładna na 50%, kali čałaviek pakutuje na dyjabiet: u ahulnaj składanaści heta viadzie da straty prykładna piaci hadoŭ žyćcia. Kali ž dobraachvotniki aktyŭna zajmalisia sportam, to hetaja vierahodnaść źnižałasia da 15%.
Padobnyja viersii štučnaha rozumu buduć cikavyja i prostym ludziam, i miedykam, i strachavym kampanijam. Ciapier navukoŭcy raspracoŭvajuć mabilny dadatak, zdolny acanić bijałahičny ŭzrost i vierahodnaść śmierci.
Kamientary