Mižnarodny valutny fond (MVF) bačyć ryzyki novaj devalvacyi ŭ Biełarusi. Pra heta paviedamiŭ staršy rehijanalny pastajanny pradstaŭnik u rehijonie Centralnaj i Uschodniaj Jeŭropy Jeŭrapiejskaha departamienta MVF Bas Bakier 28 sakavika na kanfierencyi ahienctva Fitch Ratings pa makraekanamičnaj situacyi i bankaŭskamu siektaru Biełarusi, piša PrajmPriess.
«Niadaŭna my prezentavali novuju spravazdaču piersanału fondu (MVF - red.) pa Biełarusi. My adznačajem, što reziervy znachodziacca na nizkim uzroŭni, patreba ŭ valucie znachodzicca na vysokim uzroŭni. Heta ŭjaŭlaje saboj prablemu i moža vyklikać novuju devalvacyju, pakolki dalaryzacyja ŭ Biełarusi znachodzicca na vysokim uzroŭni», — skazaŭ Bakier.
Pavodle acenak MVF, źniešni doŭh dziaržavy razam ź dziaržaŭnymi harantyjami, vydadzienymi pradpryjemstvam, składaje 51% vałavoha ŭnutranaha praduktu. «Składana absłužyć taki doŭh pry adsutnaści rašučych mier pa refarmavańni ekanomiki. Jon moža stvaryć prablemy ŭ finansavym i bankaŭskim siektarach», — adznačyŭ Bakier.
«Dobraja navina zaklučajecca ŭ tym, što ŭ nas z ekanamičnym błokam ŭrada supadajuć mierkavańni pra toje, što treba rabić u płanie reformaŭ. Adroźnieńni zachoŭvajucca ŭ častcy chutkaści realizacyi reformaŭ. Dziaržava addaje pieravahu ruchacca paśladoŭna, a heta značyć, što ŭraźlivaść budzie zachoŭvacca. Heta moža pryvieści dziaržavu da raniejšaj palityki nieefiektyŭnaha raźmierkavańnia resursaŭ», — skazaŭ Bakier.
Biełaruś i MVF užo niekalki hadoŭ viaduć pieramovy adnosna novaj kredytnaj prahramy na sumu da 3 miljardaŭ dalaraŭ. Uletku 2017 h. hetyja pieramovy byli prypynienyja. Baki razyšlisia ŭ pohladach adnosna chutkaści reform u Biełarusi, u pryvatnaści, u pytańni padvyšeńnia taryfaŭ na žyllova-kamunalnyja pasłuhi. Druhaja pryčyna, čamu Biełaruś aktyŭna nie supracoŭničaje z MVF, kryjecca ŭ prablemach realnaha siektara ekanomiki i tych biełaruskich pradpryjemstvaŭ, u jakich jość daŭhi, u tym liku valutnyja, pierad partniorami za miažoj i ŭnutry krainy. Ułady ličać, što dziaržava pavinna dapamahčy prablemnym pradpryjemstvam.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary