Viarchoŭny staršynia Eŭrasajuzu pa mižnarodnaj palitycy Chaŭjer Sałana paviedamiŭ, što bližejšym časam u Biełaruś nakirujecca misija ES dla raźvićcia palityčnych i ekanamičnych stasunkaŭ. Zajava była zroblenaja ŭčora ŭ Luksemburhu pa vynikach sustrečy ź ministram zamiežnych spravaŭ Biełarusi Siarhiejem Martynavym.
Viarchoŭny staršynia Eŭrasajuzu pa mižnarodnaj palitycy Chaŭjer Sałana paviedamiŭ, što bližejšym časam u Biełaruś nakirujecca misija ES dla raźvićcia palityčnych i ekanamičnych stasunkaŭ. Zajava była zroblenaja ŭčora ŭ Luksemburhu pa vynikach sustrečy ź ministram zamiežnych spravaŭ Biełarusi Siarhiejem Martynavym.
«Misija maje na mecie acanić, jak my možam raźvivać stasunki ź Biełaruśsiu», — skazaŭ eŭrapiejski dyplamat.
Martynaŭ vykazaŭ zadavolenaść dasiahnutym na pasiadžeńni ministraŭ zamiežnych spravaŭ Eŭrasajuzu vynikam. «Biełaruś hatovaja raźvivać praduktyŭnyja adnosiny z Eŭrasajuzam. My hatovyja pracavać u hetym kirunku», — kaža S.Martynaŭ.
Nahadajem, što ŭ paniadziełak ministry zamiežnych spravaŭ krainaŭ ES pahadzilisia prypynić na paŭhodu vizavyja abmiežavańni, nakładzienyja na Alaksandra Łukašenku i jahonych padnačalenych.
U śpisach nievyjaznych zastalisia piaciora čynoŭnikaŭ, jakija na dumku eŭrapiejcaŭ, mohuć być datyčnyja da źniknieńnia apanentaŭ ułady, a taksama falsyfikacyi vybaraŭ — staršynia CVK Lidzija Jarmošyna, ministar unutranych spravaŭ Uładzimier Navumaŭ, były kamandzir bryhady specnazu Dźmitry Paŭličenka, były kiraŭnik Rady biaśpieki Viktar Šejman, a taksama były ministar unutranych spravaŭ Jury Sivakoŭ..
U aŭtorak pres‑sakratarka viarchoŭnaha pradstaŭnika Chaŭjera Sałany Kryścina Hałach zajaviła ŭ interviju ahienctvu BiełaPAN, što ES i Biełaruś «razharnuli novuju staronku ŭ historyi adnosinaŭ, ale z boku Miensku jana pavinna być zapoŭniena palapšeńniami ŭ važnych sferach, u pryvatnaści praz vykanańnie 12 rekamendacyj Eŭrasajuzu».
Učora Martynaŭ taksama mieŭ sustrečy z čynoŭnikam Eŭrakamisii, vysokim dyplamatam Francyi, jakaja staršynstvuje ŭ ES, a taksama pradstaŭnikom nastupnaha staršyni ES — ministram zamiežnych spraŭ Čechii Karełam Švarcenbierham.
Ciapier čytajuć
Koŭł: My abmierkavali mahčymuju pajezdku Łukašenki ŭ ZŠA26
Kamientary