Alaksandr Łukašenka razam z ekanamičnaj padkreśliŭ i palityčnuju značnaść sielskaj haspadarki. Pra heta jon zajaviŭ 3 krasavika na respublikanskim sieminary-naradzie ab raźvićci vioski, paviedamlaje pres-słužba kiraŭnika Biełarusi.
«Sielskahaspadarčaja vytvorčaść užo daŭno vyjšła za ramki jaje razhladu vyklučna jak častki ekanomiki. Pradukty charčavańnia — heta palityka, i ŭnutranaja, i zamiežnaja. Tamu staŭka na raźvity ahrarny siektar jak na adzin z pryjarytetaŭ raźvićcia krainy jašče na pačatku našaj niezaležnaści była dakładnaj. Ciapier užo nichto z hetym nie spračajecca. Ad stanu spraŭ u APK šmat u čym zaležać dabrabyt i sacyjalna-palityčnaja stabilnaść u krainie», - skazaŭ jon
Alaksandr Łukašenka padkreśliŭ, što Biełaruś paŭnavartasna harantuje ŭłasnuju charčovuju biaśpieku, što źjaŭlajecca najvažniejšym faktaram niezaležnaści.
«Ujavicie, kali b u nas nie było praduktaŭ charčavańnia i adzieńnia — samych nieabchodnych dla naroda, jakaja b była ŭ nas niezaležnaść, i dzie b my siońnia byli», — adznačyŭ kiraŭnik dziaržavy.
Jon kanstatavaŭ, što ŭ ciapierašni čas pa vytvorčaści i spažyvańni bolšaści vidaŭ sielhaspradukcyi na dušu nasielnictva Biełaruś istotna pieraŭzychodzić inšyja krainy SND. Valutnaja vyručka ad realizacyi ajčynnych praduktaŭ charčavańnia za 2017 hod skłała kala $ 5 młrd. «Adnak zadača pa dasiahnieńni pakazčyka ŭ $ 7 młrd nie źniataja», - źviarnuŭ uvahu biełaruski kiraŭnik.
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA21
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary