Takoha daŭno nie było: hetaj vosieńniu kanikuły buduć maksimalna doŭhimi — 11 ci 12 dzion
Minadukacyi vyznačyła terminy školnych kanikuł u 2018-2019 navučalnym hodzie. Adpaviednaja infarmacyja raźmieščana na sajcie viedamstva, paviedamlaje BiełTA.
Pieršaja čverć budzie doŭžycca z 1 vieraśnia (subota) pa 27 kastryčnika (subota), druhaja — z 8 listapada pa 22 śniežnia. Treciaja čverć z 8 studzienia pa 23 sakavika.
Adpaviedna vosieńskija vakacyi projduć z 28 kastryčnika pa 7 listapada — h.zn. praciahnucca 11 dzion.
Ale mahčyma, što subota, 27 kastryčnika, budzie vychodnym i ŭ školnikaŭ, bo pieranosu pracoŭnych dzion — z pryčyny 7 listapada, što vypadaje sioleta na sieradu, — nie płanujecca. Tady vosieńskija kanikuły składuć naohuł 12 dzion. Takoha nie było daŭno.
Zimovyja vakacyi aficyjna startujuć 24 śniežnia (paniadziełak) i skončacca 7 studzienia (paniadziełak).
Na Kalady, miž inšym, jość pieranos pracoŭnaha dnia z 24 śniežnia na 22 śniežnia, tamu, imavierna, u subotu, 22 śniežnia školnikam daviadziecca ŭsio ž vučycca.
Viasnoj školniki buduć adpačyvać z 24 sakavika (niadziela) pa 31 sakavika (niadziela). I heta buduć samyja karotkija kanikuły ŭ nastupnym navučalnym hodzie.
Vylecieła ŭ nieviadomym kirunku śpikierka KR Anžalika Mielnikava30
Kamientary