Za miesca na elitnych maskoŭskich mohiłkach režysioru Uharavu sabrali $12 tysiač. A kolki kaštuje takaja ziamla ŭ Minsku?
1 krasavika na 63-m hodzie žyćcia praz sardečny prystup pamior rasijski dramaturh, režysior, stvaralnik Teatra.doc Michaił Uharaŭ.
Siamja pryniała rašeńnie pachavać jaho na Trajekuraŭskich mohiłkach. Ale miascovaja administracyja dała jasna zrazumieć: tam chavajuć tolki «zasłužanych dziejačaŭ», a va Uharava «zasłuh pierad dziaržavaj niama». Miesca prapanavali kupić na kamiercyjnaj asnovie, za 740 tysiač rasijskich rubloŭ za toj kavałak (ci kala 12 tysiač dalaraŭ).
Supracoŭniki teatra pryniali rašeńnie sabrać sumu samastojna, anansavaŭšy pra pačatak narodnaha zboru srodkaŭ na aficyjnaj staroncy teatra 3 krasavika. «My taksama ličym, što zasłuh pierad dziaržavaj u Michaiła Jurjeviča niama, i heta — ščaście, — zatoje ŭ jaho jość zasłuhi pierad krainaj i ŭsim sučasnym teatram», — napisali kalehi Michaiła.
Nieabchodnuju sumu naźbirali mienš čym za dzień: «My ŭsim śvietam sabrali hrošy na toje miesca, jakoje naležyć Michaiłu Jurjeviču pa pravie. My sabrali ich, pakul meryja admaŭlała, dumała, a potym prapanavała «paŭtorna paprasić» (biez harantyi). Nam pieravodzili pa 100, 200, 300 rubloŭ sa słovami «heta i maja strata» i «my spravimsia». Darahija ludzi, vy nierealnyja, dziakuj vam».
Režysiora pavinny byli pachavać užo siońnia, u 13.00 pa maskoŭskim časie.
A my ž vyrašyli daviedacca, kolki b kaštavała «elitnaja» ziamla ŭ Minsku.
Jak nam raskazali pradstaŭniki roznych mohiłak, a taksama supracoŭniki «Kambinata KBA», usie elitnyja minskija mohiłki kštałtu Maskoŭskich, Kalvaryjskich ci Vajennych dastupnyja tolki dla dazachavańnia ŭ mahiłu da svajakoŭ ci na miesca, jakoje było zareziervavana raniej. Vyklučeńnie mohuć zrabić vyklučna dla zasłužanych dziejačaŭ krainy i toje tolki pa asabistym rašeńni Minharvykankama. Zvyčajny čałaviek nie moža kupić sabie tam ziamlu. «Navat kali u vas šmat hrošaj», — pierakanali nas.
Dla «prostych» žycharoŭ stalicy pobač ź Minskam dastupnyja tolki Zachodnija mohiłki (dva pieršyja miescy — biaspłatna, usie nastupnyja — kala 1000 biełaruskich rubloŭ). Dla vieteranaŭ vajny adviedzieny asobny ŭčastak u Kałodziščach.
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary