Rada biaśpieki 4 krasavika pryniała pastanovu «Ab zabieśpiačeńni nacyjanalnaj biaśpieki Respubliki Biełaruś». Tekst apublikavany na partale pravo.by.
U adnym z punktaŭ havorycca litaralna nastupnaje:
«Savietu ministraŭ sumiesna z Administracyjaj prezidenta da 1 lipienia 2018 hoda ŭnieści va ŭstanoŭlenym paradku prapanovy prezidentu pa stvareńni adzinaha rehistra dziaržaŭnych pasad (ranhaŭ), jaki budzie zamacoŭvać, u tym liku, asablivaści statusu, paŭnamoctvaŭ, materyjalnaha i sacyjalnaha zabieśpiačeńnia asob, jakija zajmajuć adpaviednyja dziaržaŭnyja pasady».
Što heta značyć?
Pakul heta nie mohuć uciamna patłumačyć ni ŭ adnym ź viedamstvaŭ: u Saviecie ministraŭ «Našaj Nivie» skazali, što jašče nie prystupali da vykanańnia daručeńnia, tamu detalaŭ nie viedajuć.
«Heta pramoje daručeńnie prezidenta pa vynikach narady, nad hetym buduć pracavać, pakul nijakich kamientaroŭ», — nie dadali jasnaści i ŭ Radzie biaśpieki.
Na siońnia status čynoŭnikaŭ rehulujecca Zakonam ab dziaržaŭnaj słužbie, u jakim nie prapisvajecca niečaha takoha, što b radykalna adroźnivała «status, materyjalnaje i sacyjalnaje zabieśpiačeńnie» čynoŭnika i zvyčajnaha čałavieka.
Ciapier čytajuć
18‑hadovaha chłopca abvinavacili ŭ admaŭleńni hienacydu biełaruskaha naroda23
18‑hadovaha chłopca abvinavacili ŭ admaŭleńni hienacydu biełaruskaha naroda
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1111
Kamientary