Televiadučy Hleb Łaŭroŭ prapanavaŭ nazvać niekatoryja ŚMI «zamiežnymi ahientami». Ale Łukašenka suprać
Abjaŭlać zamiežnyja ŚMI, što viaščajuć u Biełarusi, infarmacyjnymi zamiežnymi ahientami niemetazhodna. Ale imunitet u hramadzian da niesumlennaj infarmacyi zvonku varta vychoŭvać. Pra heta Alaksandr Łukašenka zajaviŭ padčas sustrečy z kiraŭnikami i supracoŭnikami najbujniejšych dziaržaŭnych ŚMI, pieradaje hazieta «SB — Biełaruś siehodnia».
Pytańnie na sustrečy padniaŭ palityčny ahladalnik Biełteleradyjokampanii Hleb Łaŭroŭ, jaki prapanavaŭ uvieści ŭ biełaruskaje zakanadaŭstva paniaćcie zamiežnaj infarmacyjnaj prysutnaści i zamiežnych ahientaŭ:
«Davajcie takija ŚMI, pierš za ŭsio — internet-partały, choć by pramarkirujem. Bo ŭsie ličby adkryty: viadoma, kolki vyłučajuć palaki, kolki anhličanie, a kolki šviedy na finansavańnie tych ci inšych prajektaŭ za miežami svaich krain», — skazaŭ Łaŭroŭ.
Kiraŭnik krainy adkazaŭ, što śpiašacca nie varta. Ale nieabchodnaść infarmacyjnaha imunitetu ad raznastajnaj «čarnuchi» zvonku nie padlahaje sumnievu.
«Kali my havorym pra zamiežnych, my pavinny pierš za ŭsio stvaryć adzinyja kryteryi dla vyznačeńnia takich. Vyjaŭlajučysia fihuralna, pradumać adzinyja birki. Ale adrazu paŭstaje pytańnie, jak ža my budziem realizoŭvać na praktycy hetaje rašeńnie? Ci nie ŭskładnić heta našy adnosiny z Rasijaj, čyje ŚMI časam pra našu krainu pakazvajuć niezrazumieła jak? Ale ž birki pryjdziecca viešać nie vybaračna, a na ŭsich, chto padpadzie pad adpaviednyja kryteryi.
Nie treba zabyvać i taho, što da zachodnich inaahientaŭ u našaha naroda imunitet pryščepleny. A da ŭschodnich?» — spytaŭ Łukašenka.
U adkaz na zaŭvahu žurnalista ab tym, što havorka idzie pierš za ŭsio ab sietkavych resursach, Alaksandr Łukašenka zaklikaŭ hladzieć na prablemu šyrej:
«Kožnaje pakaleńnie pavinna vynieści svaju nošu. Nam pašancavała, što my — adna ź niešmatlikich postsavieckich krainaŭ nie prajšła praz vajny i razbureńni. Ale i naša pakaleńnie taksama na siabie pavinna niešta ŭziać, kab nie było soramna pierad ludźmi. I nam treba vystajać!
Kali pryjdzie čas, nastupić takaja nieabchodnaść — ja z hetymi zamiežnymi ahientami raźbiarusia na praciahu sutak. Pakul ža hałoŭnaje — pryščapić imunitet ad niesumlennaj infarmacyi», - zajaviŭ Łukašenka.
Ciapier čytajuć
18‑hadovaha chłopca abvinavacili ŭ admaŭleńni hienacydu biełaruskaha naroda24
18‑hadovaha chłopca abvinavacili ŭ admaŭleńni hienacydu biełaruskaha naroda
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1111
Kamientary