Samy tanny bilet na matč «Zenit» — BATE ŭ 20 razoŭ daražejšy za samy tanny bilet na matč BATE — «Zenit».
Najbližejšyja dva matčy hrupavoha etapa futbolnaj Lihi čempijanaŭ barysaŭski BATE praviadzie suprać sankt-pieciarburhskaha «Zienita». Pieršaja sustreča adbudziecca 21 kastryčnika na poli rasijskaha kłuba, druhaja — 5 listapada ŭ biełaruskaj stalicy.
16 kastryčnika ŭ Minsku i Barysavie pačaŭsia prodaž biletaŭ na matč BATE — «Zienit» (u Barysavie ŭsie bilety byli pradadzieny za niekalki hadzin), 17 kastryčnika ŭ Sankt-Pieciarburhu adkryjucca kasy dla prodažu biletaŭ na sustreču «Zienit» — BATE.
Ceny biletaŭ na hetyja hulni adroźnivajucca ŭ dziesiatki razoŭ. Bilety na minski matč kaštujuć 10.000, 30.000 i 50.000 biełaruskich rubloŭ, ci 4,73, 14,19 i 23,65 dołara ZŠA adpaviedna (u pieraliku pavodle aficyjnaha kursu na 16 kastryčnika). Bilety na pajadynak u paŭnočnaj stalicy Rasii — 2.500, 3.000 i 4.000 rasijskich rubloŭ dla fizičnych asob (95,66, 114,79 i 153,05 dołara) i 3.000, 4.000 i 5.000 rubloŭ dla jurydyčnych (114,79, 153,05 i 191,32 dołara).
Takim čynam,
roźnica ŭ canie samych tannych biletaŭ u Minsku/Barysavie i Sankt-Pieciarburhu składaje 20,2 razu, siarednich pa canie — 8,1 razu, samych darahich — 6,5 razu.
Pry hetym u Sankt-Pieciarburhu bilety pradajucca «tolki pry najaŭnaści pašparta, u tym liku i fanatam kamand haściej, z raźliku adzin bilet u adny ruki» (u Biełarusi — nie bolš za čatyry bilety ŭ adny ruki biez pašparta). Ksierakopii pašparta i davieranaści pry kupli bileta nie dziejničajuć. Najbližejšyja svajaki (baćka synu ci maci synu), jakija majuć adno proźvišča, mohuć vykupić bilety pa pašpartach. Dzieci da 14 hadoŭ mohuć vykupić bilety, pakazaŭšy paśviedčańnie ab naradžeńni. Baćki dziaciej, jakija majuć adpaviednyja zapisy ŭ pašpartach, mohuć taksama vykupić bilety dla svaich dziaciej. Pakaz paśviedčańnia ab naradžeńni i ŭ hetym vypadku abaviazkova.
Infarmacyja ab košcie i praviłach realizacyi biletaŭ uziata z aficyjnych sajtaŭ kłubaŭ BATE i «Zienit».
Fota Eŭraradyjo
Kamientary