Pra heta paviedamiła BIEŁTA entamołah Bresckaha abłasnoha centra hihijeny, epidemijałohii i hramadskaha zdaroŭja Łarysa Jarac.
Tradycyjna moški źjaŭlajucca ŭ pieršaj-druhoj dekadzie maja. Čakajecca, što sioleta z-za ciopłaha nadvorja kolkaść hetych nasiakomych budzie značna bolšaj, čym u minułym hodzie. Moški źjaŭlajucca z raki Buh, dzie ŭ pratočnaj vadzie adkładajuć svaje jajki. Pa słovach entamołaha, tam ciapier nazirajecca vialikaja kolkaść ličynak. Heta značyć, što ŭśled za pieršym budzie druhi masavy vylet. Zvyčajna pik kolkaści hniusa ŭtrymlivajecca na praciahu 10-14 dzion, paśla čaho kolkaść rezka skaračajecca.
Moški zdolnyja raźlatacca na adlehłaść da 10 km, maksimalnaja dalokaść raśsialeńnia dasiahaje 200 km.
Jany asabliva nazojlivyja ŭviečary i ranicaj, pierad daždžom i na adkrytym pavietry. Puchlina ad ukusu mošak značna bolšaja, čym ad ukusu kamara, adpaviedna, i bol taksama. Ślina mošak atrutnaja, i na praciahu niekalkich chvilin raźvivajecca aciok, pačyrvanieńnie i śvierb. Pry šmatlikich ukusach pavyšajecca tempieratura cieła, źjaŭlajucca prykmiety ahulnaha atručvańnia.
Časam taksičnaje dziejańnie śliny mošak moža vyklikać mocnyja alerhičnyja reakcyi.
Kamientary