Aŭstryjskaja kiroŭnaja kaalicyja ŭ składzie kansiervataraŭ i pravych papulistaŭ źbirajecca skaracić pamier dziaržaŭnych sacyjalnych dapamoh dla asob, jakija nie zmohuć paćvierdzić svajo viedańnie niamieckaj. Adpaviednyja płany ahučyŭ federalny kancler Siebaśćian Kurc, paviedamlaje Deutsche Welle.
«Asnoŭnaje praviła, jakoje my ŭviadziem, budzie zaklučacca ŭ tym, što niamieckaja mova stanie klučom da atrymańnia minimalnych vypłat ŭ poŭnym abjomie», — paviedamiŭ Kurc padčas pres-kanfierencyi. «Heta značyć, što toj, chto ŭ niedastatkovaj miery vałodaje movaj, nie zmoža całkam na ich pretendavać», - rastłumačyŭ jon.
Kancler Aŭstryi udakładniŭ, što bolšaja častka asob, jakija karystajucca dadzienymi vypłatami, pražyvaje ŭ Vienie. Prykładna pałova ź ich — zamiežnyja hramadzianie.
U adpaviednaści z novym praviłam pamier minimalnaj dapamohi na adnaho čałavieka składzie 563 jeŭra ŭ miesiac. Dla aŭstryjcaŭ suma moža być pavialičana da 863 jeŭra ŭ miesiac, i to tolki pry ŭmovie paśpiachovaj zdačy moŭnaha testu. Dapamohi na dziaciej taksama buduć skaročanyja.
Ciapier čytajuć
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1515
Kamientary