Arhanizatara zamachu na rasijskaha žurnalista Arkadzia Babčanku, jaki raniej zhadvaŭsia tolki jak hramadzianin H., zavuć Hierman Barys Lvovič.
Pra heta havorycca ŭ paviedamleńni pres-słužby suda.
Žurnalist Aksana Kavalenka udakładniła, što padazravanaha zavuć Barys Hierman.
Žurnalist Uładzimir Bojka na svajoj staroncy ŭ Facebook paviedamiŭ, što Barys Hierman byŭ pamočnikam byłych narodnych deputataŭ Michaiła Hančarova i Ihara Płachoha.
Advakat Hiermana Jaŭhien Saładko zajaviŭ, što jaho padabaronny viadomy vałancior i źjaŭlajecca dyrektaram kampanii pa vytvorčaści zbroi.
Pra heta jon napisaŭ u Facebook.
Pavodle jaho słoŭ, tak zvanaha arhanizatara zamachu na zabojstva Babčanki zavuć Barys Hierman, jon vykanaŭčy dyrektar ukrainska-niamieckaha SP «Šmajsier», jakoje śpiecyjalizujecca na vytvorčaści zbroi i maje vytvorčyja adnosiny ź Ministerstvam abarony.
«Sam Barys viadomy svajoj vałanciorskaj dziejnaściu dla patreb antyterarystyčnaj apieracyi. Heta jaho optyka staić na vintoŭkach našych snajpieraŭ, mienavita jon madernizuje i stvaraje vielmi mahutnyja snajpierskija kompleksy na bazie isnujučaha armiejskaha ŭzbrajeńnia», — napisaŭ advakat.
Jon dadaŭ, što Hierman maje jurydyčnuju adukacyju i jaho lubimaja sprava — zbroja.
Taksama viadoma, što Hierman byŭ švahram Dźmitryja Prtytyki, deputata ad Partyi rehijonaŭ papiaredniaha sklikańnia, eks-staršyni Vyšejšaha haspadarčaha suda Ukrainy.
Baćka Barysa Hiermana — Leŭ Hierman.
Svoj kapitał jon zarabiŭ jašče ŭ vaśmidziesiatych, byŭšy «dziełavym» pry «zakońnikach». Ź siaredziny 90-ch i da siońniašniaha času paśpiachova viadzie siamiejny biznes z Ryhoram Surkisam i Michaiłam Brodskim. Hierman maje biznes u Adesie, kantralujučy handlovy centr na Derybasaŭskaj. Unuk Lva, Juryj, źjaŭlajecca suzasnavalnikam u viadomaj advakackaj kampanii «Bi Aj Em», dzie značycca i Ryhor Surkis.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary