Aleh Pralaskoŭski pra «histaryčnuju padzieju» — pieršy źjezd «Biełaj Rusi».
Pieršy źjezd RHA «Biełaja Ruś», jaki prajšoŭ 25 kastryčnika ŭ Minsku, — histaryčnaja padzieja ŭ hramadskim žyćci Biełarusi. Takuju dumku vykazaŭ u razmovie z karespandentam BIEŁTA dyrektar Infarmacyjna‑analityčnaha centra pry Administracyi prezidenta Aleh Pralaskoŭski.
Pavodle jaho słoŭ, niekalki hadoŭ tamu marhinalnyja struktury pryvatyzavali paniaćcie «hramadzianskaja supolnaść». Adnak ciapierašni źjezd «Biełaj Rusi» pakazaŭ,
što ŭjaŭlaje saboj sapraŭdnuju, nie nadumanuju hramadzianskuju supolnaść.«Tut pradstaŭleny ŭvieś zrez našaj hramadzianskaj supolnaści — sapraŭdnyja i šmatlikija pradstaŭniki: palityki i biźniesmieny, rabočyja i vučonyja, studenty i vieterany, lidery žanočych i prafsajuznych arhanizacyj, — adznačyŭ Aleh Pralaskoŭski. — Arhanizacyja atrymałasia mahutnaja i vielmi aŭtarytetnaja».
Samo jaje źjaŭleńnie — heta praces, jaki pavinien byŭ adbycca, padkreśliŭ surazmoŭca. Kali raniej hałoŭnaje było naładzić ekanamičny składnik, to ciapier, kali ludzi pačali žyć značna lepš, heta całkam naturalna, što samyja aktyŭnyja hramadzianie chočuć udzielničać u hramadskim žyćci krainy, rastłumačyŭ jon. I toje, što ŭ RHA «Biełaja Ruś» užo ŭstupili bolš jak 82 tys. čałaviek, — heta toj stanoŭčy vodhuk ludziej na kurs, jaki pravodzicca ŭ krainie, padkreśliŭ Aleh Pralaskoŭski.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary