Kiraŭnik SK patłumačyŭ, čamu sprava Alaksandra Koržyča jašče nie dajšła da suda
Kiraŭnik SK Ivan Naskievič patłumačyŭ, čamu spravu Alaksandra Koržyča da hetaha času nie pieradali ŭ sud. Pa spravie zahinułaha ŭ Piečach sałdata pravodziacca dadatkovyja śledčyja dziejańni — pa chadajnictvie maci, Śviatłany Koržyč, piša Tut.by.
Pavodle jaho słoŭ, «prablem nijakich niama, usio adbyvajecca ŭ pravavym poli».
— Paśla pradjaŭleńnia kančatkovaha abvinavačvańnia trom siaržantam my abviaścili ab zaviaršeńni papiaredniaha rasśledavańnia i pieradačy materyjałaŭ dla aznajamleńnia paciarpiełym — a mienavita Śviatłanie Koržyč, i abvinavačanym. Praces aznajamleńnia zaciahnuŭsia. U hetym ničoha dziŭnaha niama, pakolki jana vyrašyła daskanała vyvučyć materyjały spravy - a heta bolš 30 tamoŭ. Praces aznajamleńnia joju taksama zavieršany, paśla hetaha jana ž zajaviła chadajnictva ab praviadzieńni šerahu dadatkovych śledčych dziejańniaŭ.
My razhledzieli chadajnictva, nie bačym pieraškod, kab hetyja dadatkovyja śledčyja dziejańni byli praviedzienyja. Mahčyma, budzie pryznačanaja jašče adna ekśpiertyza, i paśla zadavalnieńnia realizacyi hetaha chadajnictva my budziem prymać rašeńnie ab pieradačy kryminalnaj spravy ŭ sud. Pa maich acenkach, na zadavalnieńnie chadajnictvaŭ, jakija zajaviła paciarpiełaja, sydzie paradku jašče pary tydniaŭ. Na vykanańnie tolki adnoj z ekśpiertyz spatrebicca tydzień, - udakładniŭ Naskievič.
Ad abvinavačanych chadajnictvaŭ śledstvu nie pastupała.
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»11
Kamientary