Amierykanskija dypłamaty, jakija mahli stać achviaraj akustyčnaj ataki ŭ Kitai, projduć bolš uvažlivaje abśledavańnie, zajaviła aficyjny pradstaŭnik Dziarždepu Chizer Naŭert.
«Dziarždepartament adpraviŭ miedycynskuju kamandu ŭ Huančžou dla praviadzieńnia miedycynskaha abśledavańnia tych supracoŭnikaŭ urada ZŠA i ich siemjaŭ, chto heta zapytaŭ», — havorycca ŭ zajavie Naŭert.
Hazieta New York Times paviedamiła, što Dziarždep evakuiravaŭ dvuch supracoŭnikaŭ hienieralnaha konsulstva ŭ kitajskim Huančžou paśla mierkavanaha hukavoha ŭździejańnia. Raniej adzin z amierykanskich dypłamataŭ paviedamiŭ, što ŭ jaho źjavilisia «anamalnyja» słychavyja adčuvańni i cisk. Štaty nakiravali lekaraŭ dla ahladu supracoŭnikaŭ dypmisii. Dziarždepartament źviarnuŭsia da kitajskaha boku pa dapamohu ŭ rasśledavańni, adnak ułady Kitaja zajavili, što nie znajšli prykmiet akustyčnaj ataki.
Letaś Dziarždepartament zajaŭlaŭ, što bolš za dva dziasiatki supracoŭnikaŭ amierykanskaha pasolstva ŭ Havanie stali achviarami «akustyčnaj ataki» z vykarystańniem śpiecyjalnych pryboraŭ. Dziarždep 29 vieraśnia apublikavaŭ papiaredžańnie, u jakim byli pieraličany takija simptomy, jak strata słychu, hałaŭny bol, słabaść, drenny son. Havana zajaŭlała pra adsutnaść dokazaŭ uździejańniaŭ takoha rodu na dypłamataŭ ZŠA na Kubie.
Asudžany za «Hajun» da chimii brat Ihara Łosika ŭciok ź Biełarusi3
Kamientary