Амерыканскія дыпламаты, якія маглі стаць ахвярай акустычнай атакі ў Кітаі, пройдуць больш уважлівае абследаванне, заявіла афіцыйны прадстаўнік Дзярждэпу Хізэр Наўэрт.
«Дзярждэпартамэнт адправіў медыцынскую каманду ў Гуанчжоу для правядзення медыцынскага абследавання тых супрацоўнікаў урада ЗША і іх сем'яў, хто гэта запытаў», — гаворыцца ў заяве Наўэрт.
Газета New York Times паведаміла, што Дзярждэп эвакуіраваў двух супрацоўнікаў генеральнага консульства ў кітайскім Гуанчжоу пасля меркаванага гукавога ўздзеяння. Раней адзін з амерыканскіх дыпламатаў паведаміў, што ў яго з'явіліся «анамальныя» слыхавыя адчуванні і ціск. Штаты накіравалі лекараў для агляду супрацоўнікаў дыпмісіі. Дзярждэпартамэнт звярнуўся да кітайскага боку па дапамогу ў расследаванні, аднак улады Кітая заявілі, што не знайшлі прыкмет акустычнай атакі.
Летась Дзярждэпартамэнт заяўляў, што больш за два дзясяткі супрацоўнікаў амерыканскага пасольства ў Гаване сталі ахвярамі «акустычнай атакі» з выкарыстаннем спецыяльных прыбораў. Дзярждэп 29 верасня апублікаваў папярэджанне, у якім былі пералічаны такія сімптомы, як страта слыху, галаўны боль, слабасць, дрэнны сон. Гавана заяўляла пра адсутнасць доказаў уздзеянняў такога роду на дыпламатаў ЗША на Кубе.
Цяпер чытаюць
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую8
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ6767
Каментары