
Zamiest kvitka 64-hadovy minčuk pradjaviŭ kantraloru-revizoru padroblenaje paśviedčańnie invalida II hrupy. Zapadozryŭšy padrobku, kantralor zabraŭ dakumient i pieradaŭ supracoŭnikam Dziaržynskaha RAUS, paviedamlaje mlyn.by
Na sudzie piensijanier raspavioŭ: u dakumient, vydadzieny na imia znajomaha, u 2012-m jon ukleiŭ svajo fota, vypraviŭ termin dziejańnia i hrupu invalidnaści z treciaj na druhuju (paśviedčańnie invalida pieršaj i druhoj hrup daje palohku na prajezd u haradskich aŭtobusach abo pryharadnych ciahnikach). Pry hetym, pa jaho ŭłasnym śćviardžeńni, na praciahu piaci hadoŭ padroblenym paśviedčańniem piensijanier nie karystaŭsia.
- U dzień, kali mužčynu zatrymali, jon vyrašyŭ źjeździć u hryby ŭ Dziaržynski rajon, ale hrošaj na bilet pry sabie nie mieŭ. Tady jon i ŭspomniŭ pra mahčymaść prajechać biaspłatna, — raspaviała staršy pamočnik Minskaha transpartnaha prakurora Jana Radkievič. — Kantralor-revizor zaŭvažyŭ padrobku i vyklikaŭ milicyju. Była zaviedziena kryminalnaja sprava pa č. 1 art. 380 «Padrobka, vyrab abo zbyt padroblenych dakumientaŭ, štampaŭ, piačatak, błankaŭ».
Sud Dziaržynskaha rajona pryznaŭ mužčynu vinavatym u vykarystańni zaviedama falšyvaha dakumienta i abaviazaŭ jaho vypłacić štraf 30 bazavych vieličyniaŭ (735 rubloŭ).
Kamientary