Замест квітка 64-гадовы мінчук прад'явіў кантралёру-рэвізору падробленае пасведчанне інваліда II групы. Западозрыўшы падробку, кантралёр забраў дакумент і перадаў супрацоўнікам Дзяржынскага РАУС, паведамляе mlyn.by
На судзе пенсіянер распавёў: у дакумент, выдадзены на імя знаёмага, у 2012-м ён уклеіў сваё фота, выправіў тэрмін дзеяння і групу інваліднасці з трэцяй на другую (пасведчанне інваліда першай і другой груп дае палёгку на праезд у гарадскіх аўтобусах або прыгарадных цягніках). Пры гэтым, па яго ўласным сцвярджэнні, на працягу пяці гадоў падробленым пасведчаннем пенсiянер не карыстаўся.
- У дзень, калі мужчыну затрымалі, ён вырашыў з'ездзіць у грыбы ў Дзяржынскі раён, але грошай на білет пры сабе не меў. Тады ён і ўспомніў пра магчымасць праехаць бясплатна, — распавяла старшы памочнік Мінскага транспартнага пракурора Яна Радкевіч. — Кантралёр-рэвізор заўважыў падробку і выклікаў міліцыю. Была заведзена крымінальная справа па ч. 1 арт. 380 «Падробка, выраб або збыт падробленых дакументаў, штампаў, пячатак, бланкаў».
Суд Дзяржынскага раёна прызнаў мужчыну вінаватым у выкарыстанні заведама фальшывага дакумента і абавязаў яго выплаціць штраф 30 базавых велічыняў (735 рублёў).
Цяпер чытаюць
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3636
Каментары