Prezidenty Niamieččyny, Polščy i Aŭstryi pryjeduć u Biełaruś na adkryćcio miemaryjała ŭ Traściancy
Na 29 červienia zapłanavanaje adkryćcio miemaryjała achviaram nacyzmu ŭ vioscy Traścianiec pad Minskam. Čakajecca, što žałobnuju cyrymoniju naviedajuć prezidenty Aŭstryi, Niamieččyny, Izraila, Polščy, Čechii, piša Radyjo Svaboda.
Pra heta stała viadoma padčas prezientacyi 7 červienia ŭ budynku Nacyjanalnaj biblijateki infarmacyjna-dakumientalnaj vystavy «Łahier śmierci Traścianiec. Historyja i pamiać». Arhanizatary imprezy — Dortmundski mižnarodny adukacyjny centr, Mienski mižnarodny adukacyjny centr imia Iahaniesa Raŭ, fond «Miemaryjał pamiaci zabitych jaŭrejaŭ Jeŭropy», Nacyjanalnaja biblijateka Biełarusi.
«Paćvierdžany ŭdzieł dziejnaha aŭstryjskaha prezydenta Alaksandra Van der Belena i byłoha prezydenta Chajnca Fišara — svajaki jahonaj žonki zahinuli mienavita ŭ Traściancy, — skazali Svabodzie ŭ Minskim mižnarodnym adukacyjnym centry. — Što tyčycca pryjezdu niamieckaha prezidenta Franka-Valtera Štajnmajera, jašče raniej praz dypłamatyčnyja kanały była ŭzhodnienaja data 29 červienia, čakajecca kančatkovaje paćvierdžańnie».
Aproč taho, aficyjnyja zaprašeńni nakiravanyja prezidentam Izraila, Polščy, Čechii, pra kančatkovaje rašeńnie Minsk jašče nie prainfarmavany.
Cyrymonija pačniecca 29 červienia a 12-j hadzinie.
Kamientary