BT adchryściłasia ad Steły Čyrkovaj: «Jana niadoŭha pracavała pazaštatnikam i pa damovie»
Pres-sakratar Biełteleradyjokampanii Śviatłana Smałonskaja-Kraskoŭskaja dasłała «Našaj Nivie» kamientar nakont situacyi z najezdam na hramadskich aktyvistaŭ la restarana «Pajedziem, pajadzim».
Tam, nahadajem, siamiejnaja para najechała na ludziej, jakija pratestujuć suprać adkryćcia restarana la miemaryjała.
Čytajcie: Skandał u Kurapatach: kolišniaja televiadučaja BT i jaje muž-biznesmien najechali na aŭto na dvuch pikietoŭcaŭ
U žančynie z hetaj pary nieŭzabavie pryznali Stełu Čyrkovu — čałavieka, jaki źjaŭlaŭsia ŭ efiry BT.
Ale, jak śćviardžajuć na BT, Čyrkovu nielha nazyvać televiadučaj kampanii, bo jana tam nie pracuje.
«Steła Čyrkova, jakuju nazvali dziejnaj viadučaj «Biełaruś-3», niepraciahły čas była pazaštatnym supracoŭnikam i pracavała pa damovie. U ciapierašni čas Čyrkova nie źjaŭlajecca navat pazaštatnym supracoŭnikam, a prahrama «Di@błoh o litieraturie» nie vychodzić na kanałach chołdynha z sakavika 2017 hoda. U prajekta było niekalki viadučych, jakija viali prahramu pa-biełarusku i pa-rusku», — havorycca ŭ paviedamleńni pres-słužby BT.
Kamientary