Skandał u Kurapatach: kolišniaja televiadučaja BT i jaje muž-biznesmien najechali na aŭto na dvuch pikietoŭcaŭ
Hramadskija aktyvisty praciahvajuć pikietavańnie restarana «Pajedziem pajadzim» u Kurapatach.
Akcyja 13 červienia była azmročana incydentam — aŭtamabil «Mazda» z rasijskimi numarami najechaŭ na dvuch udzielnikaŭ pratestaŭ, Jaŭhiena Baturu i Vasila (proźvišča nieviadoma).
Aktyvisty stali na šlachu mašyny, ale kiroŭca pajechaŭ prosta na ich i prakaciŭ na kapocie. Adznačym, što ŭsio heta adbyłosia na vačach supracoŭnikaŭ DAI.
Jak vyśvietliła «Naša Niva», u «Maździe» byli televiadučaja BT Steła Čyrkova i jaje muž Ivan Jermakoŭ.
Pryčym Jermakoŭ užo nie pieršy raz pryjazdžaje ŭ Kurapaty, jon sprabavaŭ arhanizavać «dyskusiju» z aktyvistami i raniej.
I Steła Čyrkova, i Ivan Jermakoŭ pierajechali ŭ Biełaruś z Rasii ŭ 2009 hodzie. Steła (sapraŭdnaje imia — Alena) viała prahramu «Dy@błoh ab litaratury» na biełaruskamoŭnym telekanale «Biełaruś-3», pryčym viała jaje pa-rusku.
Aproč taho, Čyrkova — pradstaŭnica kampanii «Mamut» u Biełarusi. Heta niderłandskaja kampanija, jakaja śpiecyjalizujecca na transparciroŭcy hruzaŭ. Muž taksama zajmajecca łahistykaj.
Za najezd na piešachodaŭ DAI zvyčajna adbirajuć u kiroŭcy pravy. U toj ža čas piešachody mohuć być aštrafavanyja za znachodžańnie na prajeznaj častcy.
Čytajcie taksama: BT adchryściłasia ad Steły Čyrkovaj: «Jana niadoŭha pracavała pazaštatnikam i pa damovie»
Čytajcie taksama: «Čamu rasctreły ŭ Kurapatach valać na NKVD? Moža, heta nacysty?» — Ivan Jermakoŭ raspavioŭ pra svaje kamunistyčnyja pohlady i najezd na aktyvistaŭ
38-hadovaha vajskovaha lotčyka sudziać za abrazu Łukašenki2
Kamientary