Prezident ZŠA Donald Tramp pryhraziŭ uvieści novyja pošliny 10% na kitajskija tavary na $ 200 młrd, paviedamlaje Reuters sa spasyłkaj na zajavu amierykanskaha prezidenta.
Tramp zajaviŭ, što paprasiŭ handlovaha pradstaŭnika ZŠA vyznačyć pieralik kitajskich tavaraŭ, u dačynieńni da jakich mohuć być uviedzienyja novyja pošliny. Pa słovach amierykanskaha prezidenta, dadzieny krok budzie adkazam na rašeńnie Kitaja pavysić pošliny na amierykanskija tavary na $ 50 młrd.
«Paśla taho jak zakanadaŭčy praces budzie zavieršany, hetyja pošliny nabuduć moc, kali Kitaj admovicca źmianić svaje dziejańni, a taksama kali jon budzie nastojvać na prasoŭvańni novych pošlin, pra jakija jon niadaŭna abviaściŭ», — zajaviŭ Tramp. Kali Kitaj znoŭ pavysić svaje pošliny ŭ adkaz na apošni krok ZŠA, «my adkažam na heta dziejańnie uvodam dadatkovych pošlin na tavary jašče $ 200 młrd», paabiacaŭ jon.
Praź niekalki hadzin Piekin i paabiacaŭ adkazać lustrana. «Kali ZŠA zvarjaciejuć i apublikujuć taki śpis, Kitaju daviadziecca pryniać kompleksnyja kolkasnyja i jakasnyja miery i nanieści rašučy ŭdar u adkaz», — cytuje zajavu kitajskaha ministerstva ahienctva Bloomberg.
U Biełarusi pierad vybarami mohuć błakavać internet — jak da hetaha padrychtavacca, kab być na suviazi1
Kamientary