Stali viadomyja novyja fakty pra pamierłaha ŭ Antalji Siarhieja Budnika
54-hadovy biełarus Siarhiej Budnik, jakoha ŭviečary 19 śniežnia znajšli miortvym na kvatery ŭ tureckaj Antalji, byŭ žycharom Lidy, piša Hrodna.life.
Raniej, u 2021 hodzie, Siarhiej Budnik zajmaŭ pasadu dyrektara UA «Lidski dziaržaŭny prafiesijny licej mielijaracyjnaha budaŭnictva».
Apošni raz Siarhieja Budnika bačyli 12 studzienia. Cieła nakiravana ŭ morh Instytuta sudovaj miedycyny dla ŭstanaŭleńnia dakładnaj pryčyny śmierci. Śledstva viadzie adździeł pa rasśledavańni zabojstvaŭ.
Raniej było viadoma, što 54-hadovy Siarhiej Budnik pierastaŭ adkazvać svaim siabram u WhatsApp, a taksama žoncy, jakaja znachodziłasia nie ŭ Turcyi.
Uviečary 19 studzienia siabry pryjšli pravieryć jaho ŭ kvatery. Kali nichto nie adčyniŭ dźviery, jany ŭvajšli, vykarystoŭvajučy zapasny kluč, i vyjavili Siarhieja, jaki nieruchoma lažyć u kryvi na kanapie.
Siabry patelefanavali ŭ ekstranyja słužby. Na miesca prybyli miedyki i palicyja z adździeła, jaki zajmajecca zabojstvami. Jany kanstatavali śmierć mužčyny.
Kamientary
👎👎👎