Viečaram 26 červienia milicyja zatrymała 37-hadovaha minčuka, jaki z akna bałkona svajoj kvatery na vulicy Arłoŭskaj stralaŭ pa mašynie. U sacyjalnych sietkach karystalniki apublikavali videa incydentu. Tut.by raspavioŭ pra padrabiaznaści.
Nieviadomy hramadzianin z akna kvatery stralaŭ ź pnieŭmatyčnaj vintoŭki pa mašynach, a taksama celiŭsia ŭ minakoŭ. Mužčynu zatrymali, ludzi nie paciarpieli, u mašynach paškodzili škło.
Brat zatrymanaha raspavioŭ ab tym, što mužčyna stralaŭ nie pa ludziach, a ŭ milicejskuju mašynu.
- Jon krychu zvarjacieŭ. Apošnija paŭhoda jon byŭ nie ŭ adekvacie, ahresiŭnym, dumaŭ, što za im sočać. Jon nie skazaŭ, čamu heta zrabiŭ. U jaho była niepryjaznaść milicyi. «Psichušku» my jamu nie vyklikali.
Pa słovach brata, da hetaha vypadku ŭ kvatery zbroi nie było. Pnieŭmatyčnuju vintoŭku mužčyna kupiŭ tolki ŭ dzień zdareńnia.
— Jon patelefanavaŭ u milicyju sam i skazaŭ, što budzie stralać tolki pa milicyi.
Zatrymany znachodzicca ŭ Centralnym RUUS Minska.
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr8
Kamientary