Вечарам 26 чэрвеня міліцыя затрымала 37-гадовага мінчука, які з акна балкона сваёй кватэры на вуліцы Арлоўскай страляў па машыне. У сацыяльных сетках карыстальнікі апублікавалі відэа інцыдэнту. Tut.by распавёў пра падрабязнасці.
Невядомы грамадзянін з акна кватэры страляў з пнеўматычнай вінтоўкі па машынах, а таксама цэліўся ў мінакоў. Мужчыну затрымалі, людзі не пацярпелі, у машынах пашкодзілі шкло.
Брат затрыманага распавёў аб тым, што мужчына страляў не па людзях, а ў міліцэйскую машыну.
- Ён крыху звар'яцеў. Апошнія паўгода ён быў не ў адэкваце, агрэсіўным, думаў, што за ім сочаць. Ён не сказаў, чаму гэта зрабіў. У яго была непрыязнасць міліцыі. «Псіхушку» мы яму не выклікалі.
Па словах брата, да гэтага выпадку ў кватэры зброі не было. Пнеўматычную вінтоўку мужчына купіў толькі ў дзень здарэння.
— Ён патэлефанаваў у міліцыю сам і сказаў, што будзе страляць толькі па міліцыі.
Затрыманы знаходзіцца ў Цэнтральным РУУС Мінска.
Цяпер чытаюць
Дачка дэпутата з Ашмян трапіла на дзяржслужбу. Для гэтага яна кінула неўязнога хлопца15
Каментары