Dyrektar stadyjona «Dynama» patłumačyŭ kaliziju z «sijamskimi pisuarami»: vinavaty «Minskprajekt», budzie pieraroblivać
Šyroka razyšłosia fota z mužčynskaha tualeta adnoŭlenaha stadyjona «Dynama». Vidać niezvyčajny dyzajnierski padychod — dva pisuary prymacavany ŭ kutku tak, što naŭrad ci ich možna vykarystoŭvać adnačasova, nie parušajučy svaju i čužuju zony kamfortu.
«Naša Niva» dazvaniłasia da dyrektara stadyjona, Vasila Alaksiejenki, my paprasili jaho patłumačyć hetuju tualetnuju kaliziju.
«Heta «Minskprajekt», zvanicie im, — skazaŭ Alaksiejenka. — My sami da takich tonkaściej nie dajšli tolki tamu, što pakul u mianie byli inšyja, bolš stratehičnyja pretenzii. A toje, što jany tak pastavili… Budu źviartacca da «Minskprajekta», chaj vypraŭlajuć, kali paličyli heta takim razumnym! Ja sam heta bačyŭ! Heta tak i jość, ja zhodny całkam, što heta niapravilna».
Alaksiejenka paabiacaŭ adpravić hetaje fota ŭ «Minskprajekt» nieadkładna.
«Ja pahladžu ŭsie mužčynskija tualety, kompleks nie maleńki, nie va ŭsich tualetach byŭ, skažu ščyra. Kankretna heta — 15 siektar, ja schadziŭ u hety siektar i pahladzieŭ, što ŭ internecie pastavili. Tamu budziem reahavać, chaj mianiajuć prajektnaje rašeńnie i vypraŭlajuć chiby», — reziumavaŭ dyrektar.
Kamientary