ZŠA ŭviali sankcyi ŭ dačynieńni da dvuch tureckich ministraŭ u suviazi sa spravaj amierykanskaha pastara Endru Bransana, jaki znachodzicca ŭ źniavoleńni ŭ Turcyi z kastryčnika 2016 hoda, paviedamlaje Bi-bi-si.
Usie amierykanskija rachunki i aktyvy kiraŭnika miniusta Turcyi Abdułachmita Hiula i kiraŭnika MUS Sulejmana Sojłu zamarožanyja. Akramia taho, hramadzianam ZŠA zabaroniena zaklučać ździełki ź imi.
Pastara abvinavačvajuć u supracoŭnictvie z prapaviednikam Fietchułom Hiulenam, jakoha ŭ Turcyi ličać adkaznym za niaŭdałuju sprobu dziaržaŭnaha pieravarotu ŭ 2016 hodzie, a taksama ŭ padtrymcy zabaronienaj u krainie Rabočaj partyi Kurdystana. Bransan abviarhaje abvinavačvańni.
Adnosiny pamiž Ankaroj i Vašynhtonam u apošnija hady pieražyvajuć nie najlepšyja časy. Tureckija ŭłady niezadavolenyja admovaj ZŠA vydać joj Hiulena. Akramia taho, ułady Turcyi vykazvali abureńnie tym, što ZŠA supracoŭničajuć u Siryi z kurdskim apałčeńniem.
Raniej prezident ZŠA Donald Tramp zapatrabavaŭ ad tureckich uładaŭ nieadkładna vyzvalić pastara, prystrašyŭšy abkłaści Turcyju sankcyjami. U adkaz prezident Turcyi Redžep Taip Erdahan skazaŭ, što pahrozy jaho nie pałochajuć i što jaho pazicyja adnosna Bransana nie źmienicca. Erdahan taksama adznačyŭ, što ZŠA ryzykujuć stracić Turcyju jak svajho mocnaha i nadziejnaha sajuźnika.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ67
Kamientary