Modnyja kolery 2019 hoda: ružovy milenijałaŭ, žoŭty pakaleńnia Z i ŭtapičny nieamiatny
Jaki koler budzie modny ŭ budučych siezonach, piša Bi-bi-si. Pa dadzienych Džoan Tomas z kansultacyjnaj kampanii Coloro, pastelnyja adcieńni, jakija užo jość na rynku, zastanucca ŭ liku najbolš papularnych.
Jany mieniej nasyčanyja, intensiŭnaść tonu ŭ ich pryhłušanaja, jany lohkija, pavietranyja i naradžajuć adčuvańnie spakoju i dabradušnaści — na kantraście z akalajučymi naša žyćcio palityčnymi i ekanamičnymi ŭzrušeńniami.
Praz ružovyja akulary milenijałaŭ
Milenijały — pakaleńnie ludziej, narodžanych u časavy pramiežak z 1980 pa 2000 hod, abo pakaleńnie Y. Jany sustreli novaje tysiačahodździe ŭ junym uzroście i adroźnivajucca pierš za ŭsio hłybokaj uciahnutaściu ŭ ličbavyja technałohii. Jany nastolki zachoplenyja ružovym koleram, što jon navat staŭ mienavita tak i nazyvacca — ružovy milenijałaŭ.
Heta nie niejki kankretny adcieńnie, a ŭsia piaščotna-ružovaja palitra: ad bledna-pudrovaj cukrovaj vaty i napaŭprazrystaha ružovaha kvarca da koleru śviežaj łasasiny i ružovych fłaminha.
Pakaleńnie Y šmat u čym rasčaroŭvaje i nie zaŭsiody apraŭdvaje nadziei, jakija ŭskładalisia na jaho ŭ 1980-ja.
Mahčyma, adsiul hetaje imknieńnie milenijałaŭ nadzieć «ružovyja akulary» — mienavita jak srodak supraćpastaŭleńnia novaj žorstkaj realnaści, z vojnami, kanfliktami, fejkavymi navinami i ciskam sacsietak.
Ale ŭ milenijalnaj interpretacyi hety koler jašče tranśluje dumku pra hiendarnuju fluidnaść i nastalhiju: nievypadkova ekśpierty modnaj industryi miarkujuć, što adnym ź influensieraŭ (ahientaŭ upłyvu) hetaha koleru staŭ kinarežysior Ues Andersan sa svaim filmam «Hatel «Hrand Budapiešt».
Niachaj zaŭsiody budzie žoŭty
Ružovamu na piatki nastupaje žoŭty pakaleńnia Z, heta značyć tych, chto naradziŭsia paśla 1995 hoda.
I znoŭ ža, jak i ŭ vypadku z ružovym milenijałaŭ, heta nie adzin-adziny žoŭty, a raznastajnyja jaho adcieńni — ad nieonava-cytrynavaha da «koleru dziciačaj niečakanaści» i słaniečnikaŭ Van Hoha.
Žoŭty — heta adzin z asnoŭnych koleraŭ śpiektra, i dla čałaviečaha voka jon samy jarki, a dla psichiki — viasioły, radasny, aptymistyčny.
Pra pakaleńnie Z chadziŭ taki žart, što jany nie robiać adroźnieńniaŭ pamiž realnym i virtualnym.
I ŭ modu hety koler uvajšoŭ sapraŭdy šmat u čym dziakujučy papularnaj mabilnaj płatformie dla abmienu paviedamleńniami Snapchat i servisu znajomstvaŭ Bumble ź ich jarka-žoŭtymi łahatypami.
Jak i milenijalny ružovy, žoŭty vypluchvaje vonki niejki nastalhičny futuryzm pakaleńnia Z: jany jak by z nadziejaj hladziać u svaju virtualnuju budučyniu, z sumam azirajučysia na realnaje minułaje, jakoje licha pražyli ich jašče vielmi navat dziejnyja baćki, a pakul akuratna aśviatlajuć i vintažujuć svaje šmatlikija fotki ŭ Instagram.
Utapičny futuryzm novaj miaty
A kali zazirać zusim užo daloka — da alimpijskaha 2020 hoda, to ŭ im, pa acency viadučaha analityka trendaŭ, kampanii WGSN, budzie daminavać nieamiatny (Neo Mint), pryčym i ŭ adzieńni, i ŭ interjery.
A voś u inšaha majstra, modnaha dyzajniera Marka Džejkabsa, jašče ŭ 2013 hodzie była kalekcyja, dzie miatny prysutničaŭ u lišku, ale vialikija mastaki zaŭsiody hladziać daloka napierad, a ŭ mejnstrym hety koler prarviecca jašče tolki praz dva hady.
Čym dobry nieamiatny? Jak usio pastelnyja adcieńni, jon piaščotny, nie ahresiŭny i vypramieńvaje ŭtapičny aptymizm. Nieamiatny ŭ niejkim sensie simvalizuje nastuplenńnie śvietłaj budučyni ŭžo siońnia, jon jak by złučaje navukovyja adkryćci i novyja technałohii z pryrodaj.
«Ja sam usio rabiŭ pravilna». Syn dyjakana paprasiŭ pazbavić vizy dačku hienierała — i trapiŭ u turmu za palityku3
Kamientary