Ratavalniki dapamahli dvum haradžanam, jakija niaŭdała nyrnuli ŭ vadu ŭ vychodnyja. Pra heta karespandentu ahienctva «Minsk-Novosti» paviedamili ŭ Minskaj haradskoj arhanizacyi ASVOD.
4 žniŭnia 17-hadovy junak niaŭdała nyrnuŭ u Cnianskaje vadaschovišča, stuknuŭsia ab dno hałavoj i atrymaŭ raśsiačeńnie. Pra zdareńnie vyratavalnikam paviedamili jahonyja siabry. Supracoŭniki ASVOD dastavili paciarpiełaha na stancyju, dzie jon atrymaŭ miedycynskuju dapamohu i dzie jamu vyklikali chutkuju. Chłopcu nałažyli švy.
5 žniŭnia, u zabaronienym dla kupańnia Čyžoŭskim vadaschoviščy vyratavali 30-hadovaha mužčynu. Jon taksama z raźbiehu nyrnuŭ na miełkavodździe. U vyniku stuknuŭsia hałavoj ab dno, straciŭ prytomnaść. Jaho pryjacieli, jakija siadzieli na bierazie, padumali, što jon žartuje, i nie rabili nijakich dziejańniaŭ. Mužčynu vyratavaŭ abchod terytoryi supracoŭnikam Minskaj haradskoj arhanizacyi ASVOD. Jon vyklikaŭ pa racyi kaleh i chutkuju dapamohu. Na praciahu niekalkich chvilin vyratavalnik sprabavaŭ viarnuć nyrca da žyćcia, rabiŭ jamu štučnaje dychańnie i masaž serca. Jašče da pryjezdu lekaraŭ supracoŭniki ASVOD viarnuli jamu prytomnaść. Mužčynu dastavili ŭ Respublikanski navukova-praktyčny centr traŭmatałohii i artapiedyi.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary