Dyzajniery prapanujuć adzieńnie, jakoje moža abaranić ad raspaznavańnia tvaru
Pakul harady va ŭsim śviecie abrastajuć sistemami razumnaha videanazirańnia, madeljery prapanujuć niečakany adkaz — tak zvanaje «antahanistyčnaje adzieńnie», raspracavanaje dla taho, kab uskładnić pracu sistem raspaznavańnia tvaraŭ. Vydańnie The Guardian raźbirałasia, ci sapraŭdy jano pracuje.
Sistemy raspaznavańnia tvaraŭ stanoviacca ŭsio bolš raspaŭsiudžanymi. Dziakujučy štučnamu intelektu jany zdolnyja identyfikavać asobu ŭ natoŭpie, adsočvać maršruty čałavieka pa horadzie i navat vyznačać jaho emocyi. U adkaz na hety tatalny kantrol pačaŭ farmavacca novy kirunak u dyzajnie — adzieńnie, jakoje robić čałavieka «niabačnym» dla mašynnaha zroku.
Sutnaść technałohii ŭ vykarystańni tak zvanych «antahanistyčnych paternaŭ» (adversarial patterns) — śpiecyjalna raspracavanych spałučeńniaŭ formaŭ, koleraŭ i arnamientaŭ, jakija pavinny vykarystoŭvać słabaści asobnych sistem kampjutarnaha zroku.
Suzasnavalnik brenda Urban Privacy Daniel Projs śćviardžaje, što sučasnyja technałohii dazvalajuć sumiaścić vyrazny dyzajn z elemientami, jakija mohuć uskładniać pracu sistem raspaznavańnia tvaraŭ.
Pavodle jaho, kampanija vykarystoŭvaje bujnyja prynty, asimietryčny kroj i svabodnyja siłuety, natchnionyja vuličnaj modaj. Adna z madelaŭ — palito Urban Ghost — maje ŭbudavanyja ŭ bašłyk infračyrvonyja śviatłodyjody, jakija, jak śćviardžaje kampanija, mohuć aślaplać kamiery načnoha bačańnia.
Projs raskazvaje, što zacikaviŭsia hetaj temaj paśla publikacyj pra vykryćcio Edvarda Snoŭdena. Pavodle jaho słoŭ, dyzajn adzieńnia abapirajecca na toje, što sistemy raspaznavańnia tvaraŭ mohuć błytacca, kali «bačać» niekalki tvaraŭ adnačasova.
Dyzajniery adznačajuć, što jašče niadaŭna takoje adzieńnie ŭsprymałasia jak ekzotyka. Zasnavalnica brenda Cap_able Rakiel Dzidera zhadvaje, što ŭ 2018 hodzie mnohija nie razumieli jaje idei i navat paprakali ŭ dapamozie złačyncam. Ciapier, pavodle jaje słoŭ, situacyja źmianiłasia: usio bolš ludziej, asabliva maładych, niepakojacca z-za raźvićcia štučnaha intelektu i pytańniaŭ pryvatnaści, a cikavaść da takich rečaŭ raście.
Pavodle aŭtaraŭ takich prajektaŭ, jašče niadaŭna «antahanistyčnyja paterny» było składana pieranieści ŭ zvyčajnaje adzieńnie. Ciapier ža raźvićcio kampjutarnych technałohij dazvalaje vykarystoŭvać ich u madelach, raźličanych na sieryjnuju vytvorčaść. U vyniku takoje adzieńnie stanovicca bolš dastupnym pa canie. Dadatkovy šturšok trendu mohuć dać znakamitaści, kali pačnuć źjaŭlacca ŭ takoj vopratcy na publicy.
Nakolki heta efiektyŭna?
Adnak ekśpierty pa biaśpiecy zaklikajuć nie spadziavacca na takoje adzieńnie jak na stoadsotkavuju harantyju. Sistemy nazirańnia pastajanna ŭdaskanalvajucca, i toje, što mahło zabłytać kamieru ŭčora, siońnia mahčyma budzie lohka abyści novym abnaŭleńniem. Da taho ž efiektyŭnaść «kamuflažu» mocna zaležyć ad aśviatleńnia i rakursu, pad jakim na vas hladzić abjektyŭ.
U toj ža čas dyzajniery padkreślivajuć, što takija rečy majuć nie tolki praktyčnuju funkcyju. Na ich dumku, heta jašče i sposab publična zajavić pra važnaść prava na pryvatnaje žyćcio i pryciahnuć uvahu da hramadskaj dyskusii pra miežy vykarystańnia technałohij nazirańnia.
Na dumku dyzajnieraŭ, siońnia takoje adzieńnie nosiać pieravažna tyja, chto adnym ź pieršych źviartaje ŭvahu na prablemy pryvatnaści. Ale z rostam cikavaści da hetych pytańniaŭ i prychodam na rynak bujnych brendaŭ jano moža stać značna bolš raspaŭsiudžanym.
U toj ža čas hučać i aściarohi. Kali takoje adzieńnie sapraŭdy pačnie efiektyŭna pieraškadžać sistemam raspaznavańnia, u dyktatarskich krainach heta moža pryvieści da zabarony takoje nasić i pakarańnia tych, chto takoje adziavaje.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary
Mienavita tak. Słabaści isnavali jak artefakty navučeńnia asobnych madelej, ich vykryvali navukoŭcy, heta mieła časovuju karyść.
Śpiecyjalnaja adzieža, makijaž abo infračyrvonyja aksiesuary zaraz amal nie pracujuć. Kali tolki va ŭmovach, dzie i čałaviek nie raspaznaje tvar.
Tamu pradukcyja dyzajnieraŭ adnosicca chutčej da sučasnaha kala-futurystyčnaha dyzajnu, čym da praktyčnych aksiesuaraŭ.
Dla testu padviadzicie kamieru luboha sučasnaha telefona da ilustracyj - i jana lohka pakaža ramkaju tvar čałavieka.