Centarvybarkam Rasiei na pasiadžeńni 8 žniŭnia dazvoliŭ pravieści referendum pa pensijnaj reformie ŭ Rasiei (upieršyniu za 25 hadoŭ) i pryznaŭ, što try pytańni ab pavyšeńni pensijnaha ŭzrostu, jakija inicyjatyŭnyja hrupy ŭžo prapanavali vynieści na hałasavańni, adpaviadajuć zakanadaŭstvu, piša radyjo «Svaboda».
Pieršym było ŭchvalenaje pytańnie ad maskoŭskaj inicyjatyŭnaj hrupy, jakuju ŭznačalvaje kandydat u mery Maskvy ad «Spraviadlivaj Rasiei» Illa Śvirydaŭ. Jano hučyć tak: «Vy za toje, kab uzrost, ustanoŭleny zakanadaŭstvam Rasiejskaj Federacyi ab pensijnym zabieśpiačeńni pa stanie na 1 lipienia 2018 hoda, pa dasiahnieńni jakoha ŭźnikaje prava na pryznačeńnie pensii pa staraści, nie mianiaŭsia?»
Druhaja analahičnaja pa sensie farmuloŭka była prapanavana adździaleńniem KPRF Ałtajskaha kraju, treciaja — Usierasiejskim sajuzam hramadzkich arhanizacyj pa pracy sa šmatdzietnymi siemjami Maskoŭskaj vobłaści.
Ciapier inicyjatyŭnyja hrupy pavinny zarehistravać padhrupy nia mienš jak u 42 rehijonach i sabrać 2 miljony podpisaŭ u padtrymku referendumu. Prava pravieści referendum atrymaje taja inicyjatyŭnaja hrupa, jakaja zrobić heta pieršaj.
U siaredzinie lipienia Dziaržaŭnaja duma Rasiei ŭchvaliła ŭ pieršym čytańni ŭradavy zakonaprajekt ab pastupovym pavyšeńni pensijnaha ŭzrostu da 65 hadoŭ dla mužčyn i da 63 hadoŭ dla žančyn. Pensijnaja reforma ŭžo vyklikali akcyi pratestu ŭ dziasiatkach haradoŭ Rasiei.
Apošni raz usierasiejski referendum pravodziŭsia ŭ 1993 hodzie.
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta1
Kamientary