Heta, aproč inšaha, aznačaje, što čarhovy raz uzrastuć staŭki pa kredytach. Apošni raz hałoŭnaja finansavaja ŭstanova krainy pavyšała staŭku refinansavańnia miesiac tamu, 15 kastryčnika.
Robiccca heta «dziela pavyšeńnia dachodnaści aščadžeńniaŭ u nacyjanalnaj valucie i dalejšaha ŭmacavańnia finansavaj stabilnaści», ‑‑ skazali karespandentu BIEŁTA ŭ hałoŭnaj finansavaj ustanovie krainy.
Ale pavyšeńnie staŭki refinansavańnia taksama aznačaje, što vyrastuć staŭki pa kredytach.
Banki, ustanaŭlivajučy svaju staŭku, aryjentujucca na staŭku refinansavańnia i dadajuć svaje pracenty. U našym vypadku, na tle suśvietnaha kryzysu, heta zavobłačnyja ad 6% da 15%.
Apošni raz Nacbank pavyšaŭ staŭku refinansavańnia na 0,25 pracentnaha punktu mienš čym miesiac nazad. 15 kastryčnika staŭka refinansavańnia była pavyšana da 10,75% hadavych.
***
Kolki tydniaŭ tamu ŭlikovaja staŭka ŭ ZŠA była naadvarot źnižana, da 1 %.
6 listapada Bank Anhlii rezka skaraciŭ ulikovuju staŭku z 4,5% da 3% - sprabujučy tym samym stymulavać rost ekanomiki. Heta samaja nizkaja bazavaja pracentnaja staŭka ŭ Brytanii z 1955 h. Praŭda, brytanskija banki admaŭlajucca panižać pracenty, piša Bi-Bi-Si.
Centralny eŭrapiejski bank taksama paniziŭ svaju staŭku - z 3,75% da 3,25%.
Ciapier čytajuć
Połk Kalinoŭskaha paviedamiŭ pra hibiel troch bajcoŭ5
Kamientary