Гэта, апроч іншага, азначае, што чарговы раз узрастуць стаўкі па крэдытах. Апошні раз галоўная фінансавая ўстанова краіны павышала стаўку рэфінансаваньня месяц таму, 15 кастрычніка.
Робіццца гэта «дзеля павышэньня даходнасьці ашчаджэньняў у нацыянальнай валюце і далейшага ўмацаваньня фінансавай стабільнасьці», ‑‑ сказалі карэспандэнту БЕЛТА ў галоўнай фінансавай установе краіны.
Але павышэньне стаўкі рэфінансаваньня таксама азначае, што вырастуць стаўкі па крэдытах.
Банкі, устанаўліваючы сваю стаўку, арыентуюцца на стаўку рэфінансаваньня і дадаюць свае працэнты. У нашым выпадку, на тле сусьветнага крызысу, гэта завоблачныя ад 6% да 15%.
Апошні раз Нацбанк павышаў стаўку рэфінансаваньня на 0,25 працэнтнага пункту менш чым месяц назад. 15 кастрычніка стаўка рэфінансаваньня была павышана да 10,75% гадавых.
***
Колькі тыдняў таму ўліковая стаўка ў ЗША была наадварот зьніжана, да 1 %.
6 лістапада Банк Англіі рэзка скараціў уліковую стаўку з 4,5% да 3% - спрабуючы тым самым стымуляваць рост эканомікі. Гэта самая нізкая базавая працэнтная стаўка ў Брытаніі з 1955 г. Праўда, брытанскія банкі адмаўляюцца паніжаць працэнты, піша Бі-Бі-Сі.
Цэнтральны эўрапейскі банк таксама панізіў сваю стаўку - з 3,75% да 3,25%.
Цяпер чытаюць
Чацвёртую лінію мінскага метро павядуць у Дражню. А «Сляпянка» і «Даўгабродская» змянілі сваё месца5
Каментары