Redaktarka Tut.by Halina Ułasik vyzvaliłasia sa Śledčaha kamiteta VIDEA
Pra heta paviedamiła Tut.by dačka žurnalistki sa spasyłkaj na advakata Andreja Sankoviča.
«Biełsat» viadzie strym ad budynka Śledčaha kamiteta.
Ułasik raspaviała žurnalistam, što dała padpisku ab nierazhałošvańni. Padpisku ab niavyjeździe ź jaje nie brali. Jana zastajecca ŭ statusie padazravanaj pa «spravie BiełTA».
«Jany vyhrabli ŭsio, što było ŭ domie», — raspaviała pra pieratrus u svajoj kvatery Halina Ułasik. Pravaachoŭniki zabrali sim-karty, fłeški, telefony i noŭtbuki. Bolšaść techniki joj pry vyzvaleńni viarnuli.
«Zaŭtra, mabyć, vyjdu na pracu. Tamu što ludziej u redakcyi, miarkujučy pa ŭsim, nie zastałosia», — dadała jana.
Redaktarka TUT.BY taksama padziakavała ŭsim za padtrymku.
7 žniŭnia Halina Ułasik mieła pryjści ŭ ofis i zastupić na dziažurstva. Paźniej stała viadoma, što ranicaj da jaje pryšli ź pieratrusam pracaŭniki Śledčaha kamitetu. Paśla pieratrusu redaktarku zatrymali. Da siońniašniaha dnia jaje ŭtrymlivali ŭ mienskim izalatary na Akreścina.
Kamientary