Mužčynu, jaki 18 hadoŭ tamu zabiŭ 19-hadovuju dziaŭčynu, vyniesieny prysud. Jon asudžany na 23 hady pazbaŭleńnia voli z adbyvańniem u papraŭčaj kałonii va ŭmovach strohaha režymu. Prysud pakul nie ŭstupiŭ u zakonnuju siłu, jon moža być apratestavany i abskardžany, paviedamlajecca na sajcie Hienprakuratury.
19-hadovuju dziaŭčynu ŭ žniŭni 2000 hoda mocna źbili i zhvałcili, ad atrymanych traŭmaŭ jana pamierła na miescy. Cieła znajšli niedaloka ad bazy adpačynku «Kupalinka» ŭ Hrodnie.
Šmat hadoŭ istotnych začepak u spravie nie było. U 2017 hodzie milicyja adabrała bijałahičnyja ŭzory ŭ raniej sudzimych za ciažkija złačynstvy. Tak znajšłosia supadzieńnie z analizam 51-hadovaha žychara Hrodna, jaki ŭžo siadzieŭ za zabojstva.
U 1994 hodzie jon atrymaŭ 7 hadoŭ pazbaŭleńnia voli, vyzvaliŭsia ŭmoŭna-daterminova ŭ červieni 1999 hoda. A potym zabiŭ dziaŭčynu.
Z momantu ździajśnieńnia złačynstva i da vyjaŭleńnia jaho dačynieńnia da zabojstva jon vioŭ zvyčajny ład žyćcia.
Uličvajučy ciažar zroblenaha, sud nie ŭbačyŭ padstaŭ dla vyzvaleńnia abvinavačanaha ad kryminalnaj adkaznaści ŭ suviazi z zakančeńniem terminaŭ daŭnaści.
Prysudam sudovaj kalehii pa kryminalnych spravach Haradzienskaha abłasnoha suda mužčyna byŭ pryznany vinavatym u naŭmysnym zabojstvie z asablivaj žorstkaściu, spałučanym z zhvałtavańniem, asobaj, jakaja raniej učyniła naŭmysnaje zabojstva.
Kamientary