Japonija nie budzie zaklučać mirnuju damovu z Rasijaj da taho času, pakul nie budzie ŭrehulavana terytaryjalnaja sprečka. Pra heta zajaviŭ hienieralny sakratar kabinieta ministraŭ Japonii Josichide Suha.
«My budziem ŭparta praciahvać vieści pieramovy na asnovie takoha kursu — vyrašać prablemu ź viartańniem «paŭnočnych terytoryj» [paŭdniovaja hrada Kurylskich astravoŭ — Iturup, Kunašyr, Šykatan i Chabamai], a potym zaklučać mirnuju damovu», — zajaviŭ jon.
Palityk taksama adznačyŭ, što japonski ŭrad nie budzie kamientavać kožnaje vykazvańnie rasijskaha lidara Uładzimira Pucina, jaki raniej prapanavaŭ zaklučyć mirny dahavor biez papiarednich umoŭ da kanca 2018 hoda. Zhodna ź jaho prapanovaj, krainy mohuć praciahnuć vyrašać sprečnyja pytańni ŭžo paśla padpisańnia dakumienta.
Raniej Abe zajaŭlaŭ, što adsutnaść mirnaj damovy pamiž Maskvoj i Tokia — heta nienarmalnaja situacyja.
Mirnaja damova pamiž Rasijaj i Japonijaj nie padpisvajecca na praciahu bolš čym 70 hadoŭ. Umovaj jaje zaklučeńnia Tokia nazyvaje viartańnie vyspaŭ Iturup, Kunašyr, Šykatan i Chabamai. Maskva ličyć, što Paŭdniovyja Kuryły ŭvajšli ŭ skład SSSR pa vynikach Druhoj suśvietnaj vajny i suvierenitet nad imi nie padlahaje sumnievu.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?10
Kamientary