Lohkaja atletyka na Jeŭrapiejskich hulniach u Minsku budzie pradstaŭlena ŭ vielmi niezvyčajnym farmacie FOTA
Spabornictvy pa lohkaj atletycy na druhich Jeŭrapiejskich hulniach, što adbuducca ŭ červieni 2019 hoda ŭ Minsku, projduć u farmacie DNA (Dynamičnaja novaja lohkaja atletyka). Napiaredadni probny start prajšoŭ na stadyjonie «Dynama». Dadzienaja prahrama praduhledžana pahadnieńniem Jeŭrapiejskich alimpijskich kamitetaŭ i Jeŭrapiejskaj lohkaatletyčnaj asacyjacyi.
Dla ŭdziełu ŭ lohkaatletyčnych spabornictvach II Jeŭrapiejskich hulniaŭ adabrany 30 zbornych z najlepšym rejtynham pa vynikach kamandnych čempijanataŭ Jeŭropy 2017 hoda ŭ supierlizie, pieršaj i druhoj lihach. Skład kožnaj kamandy - pa 23 lohkaatlety (usiaho 690 spartsmienaŭ).
Lohkaatletam treba budzie vystupać u 10 vidach prahramy ŭ takoj paśladoŭnaści: trekatłon, skački ŭ daŭžyniu (žančyny), 100m (mužčyny), kidańnie kapja (žančyny), 100m (žančyny), źmiašanaja estafieta (4ch400m), 110m z barjerami (mužčyny), skački ŭ vyšyniu (mužčyny), 100m z barjerami (žančyny), źmiašanaja estafieta ŭ vyhladzie honki pieraśledu. Pieramožca kamandnaha turniru vyznačycca ŭ zaklučnym vidzie.
Trekatłon — heta honka ź pieraškodami (na 2 koły pa 400m), jakaja składajecca z klučavych kampanientaŭ lohkaj atletyki: biehu, skačkoŭ, kidańniaŭ. U hetym vidzie ŭ kožnaj kamandzie na start vychodziać adzin mužčyna i adna žančyna. U jakaści pieraškod vykarystoŭvajecca niestandartny spabornicki invientar - parašuty, abciažarvańni, miedboły (nabivanyja 9-kiłahramovyja miačy).
Źmiašanaja estafieta ŭ vyhladzie honki pieraśledu ŭjaŭlaje saboj kambinavanuju honku, raźbituju na adrezki 800m (mužčyny) ch 600m (žančyny) ch 400m (mužčyny) ch 200m (žančyny).
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny16
Kamientary