Лёгкая атлетыка на Еўрапейскіх гульнях у Мінску будзе прадстаўлена ў вельмі незвычайным фармаце ФОТА
Спаборніцтвы па лёгкай атлетыцы на другіх Еўрапейскіх гульнях, што адбудуцца ў чэрвені 2019 года ў Мінску, пройдуць у фармаце DNA (Дынамічная новая лёгкая атлетыка). Напярэдадні пробны старт прайшоў на стадыёне «Дынама». Дадзеная праграма прадугледжана пагадненнем Еўрапейскіх алімпійскіх камітэтаў і Еўрапейскай лёгкаатлетычнай асацыяцыі.
Для ўдзелу ў лёгкаатлетычных спаборніцтвах II Еўрапейскіх гульняў адабраны 30 зборных з найлепшым рэйтынгам па выніках камандных чэмпіянатаў Еўропы 2017 года ў суперлізе, першай і другой лігах. Склад кожнай каманды - па 23 лёгкаатлеты (усяго 690 спартсменаў).
Лёгкаатлетам трэба будзе выступаць у 10 відах праграмы ў такой паслядоўнасці: трэкатлон, скачкі ў даўжыню (жанчыны), 100м (мужчыны), кіданне кап'я (жанчыны), 100м (жанчыны), змяшаная эстафета (4х400м), 110м з бар'ерамі (мужчыны), скачкі ў вышыню (мужчыны), 100м з бар'ерамі (жанчыны), змяшаная эстафета ў выглядзе гонкі пераследу. Пераможца каманднага турніру вызначыцца ў заключным відзе.
Трэкатлон — гэта гонка з перашкодамі (на 2 колы па 400м), якая складаецца з ключавых кампанентаў лёгкай атлетыкі: бегу, скачкоў, кіданняў. У гэтым відзе ў кожнай камандзе на старт выходзяць адзін мужчына і адна жанчына. У якасці перашкод выкарыстоўваецца нестандартны спаборніцкі інвентар - парашуты, абцяжарванні, медболы (набіваныя 9-кілаграмовыя мячы).
Змяшаная эстафета ў выглядзе гонкі пераследу ўяўляе сабой камбінаваную гонку, разбітую на адрэзкі 800м (мужчыны) х 600м (жанчыны) х 400м (мужчыны) х 200м (жанчыны).
Каментары