Kožnamu pa sporcie: jak vybrać sabie fizičnuju aktyŭnaść, jakaja nie narobić škody arhanizmu?
Dla mnohich sport daŭno staŭ niečym nakštałt relihii, i heta niadrenny trend. Praŭda, tolki kali vy zajmajeciesia sportam razumna, bieź imknieńnia da rekordaŭ, jakija mohuć drenna adbicca na stanie zdaroŭja.
Kožny arhanizm maje svaje asablivaści i vytrymlivaje roznyja abjomy nahruzak. Kali vy tolki vyrašyli stać na spartyŭnuju ściažynu, to raskazvajem pra samyja papularnyja siońnia kirunki i toje, kamu jany lepš padyduć, a kamu stroha supraćpakazanyja.
Fitnes u trenažornaj zale
Fota: championat.com.
Padychodzić ludziam praktyčna pry lubych dyjahnazach, traŭmach i ŭzroście ad 16 i da 70. Univiersalnaść abumoŭlenaja tym, što ŭ ideale zaniatki buduć prachodzić pad nahladam kvalifikavanaha treniera, jaki raspracuje indyvidualnuju prahramu zaniatkaŭ z ulikam usich asablivaściaŭ klijenta. Pry pravilnym padychodzie možna nie tolki ŭmacavać myšcy, ale i vypravić prablemy z postavaj, umacavać sustavy i źviazki, što asabliva aktualna dla ludziej ź siadziačym ładam žyćcia (bolšaja častka ofisnych rabotnikaŭ pakutuje ad skalijozu).
Varta adznačyć, što bazavyja praktykavańni z uciažarvalnikami (stanavaja ciaha, prysiadańni, žym ad hrudzi) vyklikajuć u arhaniźmie mahutny harmanalny ŭsplosk.
Vypracoŭvajecca testasteron, jaki adkazvaje za zaćviardzieńnie kaściavych tkanak, rost ciahlic i libida (pryčym jak u mužčyn, tak i ŭ žančyn); samatatrapin, abo harmon rostu, jaki rehuluje abmien białkoŭ i lipidaŭ u arhaniźmie; adrenalin palapšaje pracu sasudaŭ i serca, papiaredžvaje takija zachvorvańni, jak ateraskleroz. I samaje hałoŭnaje: u vyniku pavialičvajecca adčuvalnaść da insulinu, što źjaŭlajecca prafiłaktykaj cukrovaha dyjabietu.
Krośfit (ci, jak varyjant, TRX)
Niesumnieŭnym plusam krośfitu źjaŭlajecca toje, što za adzin zaniatak vy raźvivajecie adrazu niekalki jakaściej: siła, vynoślivaść, kaardynacyja i sprytnaść. Padčas trenirovak u zale pryjšłosia b na ŭsio heta vyłučać asobnyja zaniatki, a tut usio dajecca adrazu. Akramia taho, salidnyja nahruzki dazvalajuć chutka pazbavicca ad lišniaj vahi, kali vy pastavili takuju metu, i narmalizavać apietyt, kali ź im mielisia prablemy.
U hetaha vidu aktyŭnaści jość i advarotny bok miedala. U krośficie vykarystoŭvajuć techniki ciažkaj atletyki, praktykavańni časta vykonvajucca na chutkaść i patrabujuć vialikich namahańniaŭ.
Hety sport źjaŭlajecca traŭmaniebiaśpiečnym, tamu padydzie ludziam, jakija majuć jakuju-nijakuju padrychtoŭku. Taksama važna, kab nie było traŭmaŭ, parušeńniaŭ u aporna-ruchalnym aparacie: adzin niapravilny ruch moža pryvieści da paharšeńnia starych prablem albo źjaŭleńnia novych.
Tearetyčna toje samaje moža adbycca i na zaniatkach fitnesam, kali vaš trenier raptam budzie niaŭvažlivym. Adnak na krośficie heta bolš vierahodna, tamu što zaniatki prachodziać u hrupach ad 5 čałaviek, tut składana prasačyć za kožnym.
Taksama nie varta zajmacca krośfitam ludziam z prablemami i zachvorvańniami sardečna-sasudzistaj sistemy, pakolki vykanańnie ciažkaatletyčnych praktykavańniaŭ za karotki pramiežak času prymušaje serca pracavać praktyčna na znos z maksimalnaj častatoj sardečnych skaračeńniaŭ. Niadužaje serca moža hetaha prosta nie vytrymać.
Da krośfitu nie raju źviartacca i tym, u kaho vielmi napružany i niervovy ład žyćcia ź nievialikaj kolkaściu adpačynku. Usia sprava ŭ kartyzole — harmonie stresu, jaki vypracoŭvajecca ŭ nas u adkaz na źniešnija pahrozy, stresavyja situacyi, padčas intensiŭnych fizičnych nahruzak. Dziakujučy jamu, uzmacniajecca sercabićcie, pavyšajecca arteryjalny cisk. Karcizoł aktyvizuje pracu ciahlic, źnižajučy ŭ ich raschod hlukozy, pry hetym aktyŭna zapazyčvajučy jaje ź inšych orhanaŭ. Dziakujučy hetamu, arhanizm jak by mabilizujecca, kab vyžyć. Ale kali pierabrać z hetym harmonam, možna surjozna sabie naškodzić i atrymać źnižeńnie imunitetu, aciočnaść, źmianšeńnie myšačnaj masy, apatyju, źnižeńnie libida i parušeńnie snu. Jašče adzin niepryjemny momant: karcizoł pavyšaje ciahu da sałodkaha, tamu što orhany, jakija niedaatrymlivajuć hlukozu, pačynajuć patrabavać «paliva» — čałaviek nieŭśviadomlena nalahaje na mučnoje i sałodkaje.
Joha, piłates
Pra karyść johi napisana mnostva navukovych artykułaŭ. Dy što tam artykułaŭ — navat cełych tamoŭ knih i źniata niamała dakumientalnych filmaŭ. Heta adzin z samych staražytnych i šyroka pryznanych vidaŭ čałaviečaj aktyŭnaści. Padčas zaniatkaŭ johaj aktyŭniej za ŭsio zadziejničany naš pazvanočnik, a jon źjaŭlajecca stryžniem, jaki trymaje i rehuluje pracu ŭsiaho arhanizma.
Vykonvajučy roznyja asany, vy stvarajecie spryjalnyja ŭmovy dla transparciroŭki nieabchodnych rečyvaŭ da orhanaŭ, tkanak, niervovych kančatkaŭ i endakrynnaj załozy, dziakujučy čamu narmalizujecca abmien rečyvaŭ, palapšajecca imunitet, naładžvajecca praca sardečna-sasudzistaj sistemy.
Dychalnyja praktyki i enierhietyčnyja zamki na zaniatkach johaj spryjajuć krovazabieśpiačeńniu pałavych orhanaŭ, što papiaredžvaje raźvićcio rasstrojstvaŭ pałavych funkcyj abo vypraŭlaje isnujučyja patałohii. Asabliva heta aktualna dla žančyn, u jakich jość prablemy z rehularnaściu mienstrualnaha cykłu.
Piłates, johu i stretčynh abjadnoŭvaje toje, što jany nacelenyja taksama na raźvićcio hnutkaści.
Supraćpakazańniami da zaniatkaŭ johaj mohuć być takija dyjahnazy, jak łardoz, kifoz, asteachandroz i hryža chrybietnika.
Kali vy trapili da dobraha treniera, jon abaviazany papiaredzić vas padčas niejkich asan, što ich nieabchodna vykonvać aściarožna ci lepš prapuścić zusim.
Piłates u hetym płanie całkam biaśpiečny i, bolš za toje, navat pakazany ludziam z parušeńniami aporna-ruchalnaha aparata.
Joha — vydatny varyjant, kali vam važna znajści ŭnutrany bałans i harmoniju, vy stamilisia ad stresaŭ i mituśni. Jak praviła, zaniatki prachodziać u hrupach, pad pryjemnuju rełaks-muzyku, što stvaraje idealnyja ŭmovy nie tolki dla prapracoŭki cieła, ale i dla adciahnieńnia ŭvahi ad chvalujučych prablem i pieražyvańniaŭ.
Praŭda, nie treba dumać, što na jozie ludzi tolki rassłablajucca. Na samaj spravie, vykanańnie mnohich asan moža prymusić «papacieć» navat samaha padrychtavanaha atleta.
Tancy i aerobika
Zaniatki tancami źjaŭlajucca rekardsmienami pa vypracoŭcy harmonaŭ radaści i ščaścia: sieratanin adkazvaje za dobry nastroj i papiaredžvaje depresiju, aksitacyn raźvivaje empatyju, a vazapresin kantraluje ahresiju.
Razam z tym tancy i aerobika ličacca samymi niebiaśpiečnymi zaniatkami dla kalennych sustavaŭ i chrybietnika.
Časta jany supravadžajucca praciahłymi skačkami, ruchami pry napaŭsahnutych kaleniach, značnym napružańniem u pajaśnicy. Tamu vybirajučy niejki kirunak, pamiatajcie pra svaje mahčymaści i supraćpakazańni, pra jakija možna daviedacca ŭ daktaroŭ.
Škoły biehu
Bieh truškom — samy prosty i naturalny dla čałavieka ruch, tamu zajmacca im možna i dzieciam, i darosłym. Bieh spryjalna ŭździejničaje praktyčna na ŭsie sistemy arhanizma: sardečna-sasudzistaja ŭmacoŭvajecca (a značyć, źnižajecca ryzyka aterasklerozu, infarktu i insultu, pamianšajecca ŭzrovień chalesterynu); z boku dychalnaj sistemy adbyvajecca pavieličeńnie abjomu lohkich, palapšajecca praces pastupleńnia kisłarodu da ŭsich orhanaŭ i tkanak (asabliva raim źviarnuć uvahu na hety vid sportu tym, chto kinuŭ abo kidaje palić). Dobry bieh i dla straŭnika — možna palepšyć matoryku kišečnika. Praŭda, kali vy nacelenyja na toje, kab naraścić myšcy, to bieh nie padydzie: jon tolki ŭmacoŭvaje ich, ale nie naroščvaje. Usia sprava ŭ tym, što ŭ čałavieka jość dva typy myšačnych vałoknaŭ: čyrvonyja i biełyja.
Padčas biehu ŭ nas u asnoŭnym zadziejničanyja čyrvonyja, jakija adkazvajuć za vynoślivaść, u ich aktyŭna adbyvajecca akiśleńnie tłuščaŭ.
Mienavita tamu bieh — heta najlepšy sposab schudnieć. Biełyja vałokny padčas biehu praktyčna nie raźvivajucca, bo jany, u svaju čarhu, adkaznyja za siłu, a kab jaje raźvić patrebnyja karotkija, mahutnyja i vybuchovyja nahruzki, a heta nie pra bieh, heta chutčej pra hanteli i štanhi.
Viadoma, jak i ŭ luboha vidu sportu, u biehu jość supraćpakazańni. Achilesavaj piatoj biehuna źjaŭlajecca pazvanočnik i kalennyja sustavy. Tamu nie rekamiendujecca nikudy biehčy ludziam z najaŭnymi patałohijami i traŭmami, a taksama ludziam z zališniaj vahoj: ich sustavy mohuć nie vytrymać cisku ŭłasnaj vahi.
Płavańnie
Płavańnie — heta adzin z samych naturalnych vidaŭ ruchalnaj aktyŭnaści dla čałavieka, tamu supraćpakazańniaŭ tut praktyčna niama, za vyklučeńniem takich dyjahnazaŭ, jak chraničnyja VRVI, pnieŭmanija, nieŭrałahičnyja zachvorvańni, što supravadžajucca sutarhami, skurnyja infiekcyi, parok serca, epilepsija.
Ludziam sa skryŭleńniem pazvanočnika basiejn prosta nieabchodny, bo płavańnie aktyŭna zadziejničaje myšcy i sustavy śpiny, hrudzi i plečy.
Akramia taho, płavańnie źjaŭlajecca vielmi enierhazatratnym zaniatkam: za hadzinu možna spalić kala 500 kkał. Taksama znachodžańnie ŭ vadzie maje limfadrenažny efiekt, što źjaŭlajecca prafiłaktykaj celulitu. Tak što tut možna zajmieć nie tolki strojnuju postać, ale i vydatny siłuet. Nu, i nie varta pakidać biez uvahi toj fakt, što vada źjaŭlajecca vydatnym antydepresantam.
Što zapisana aficyjnaj pryčynaj śmierci adzinaha syna Jarmošynaj?4
Kamientary