Biełaruś raźličvaje adnavić pierapynienyja bolš za hod tamu pieramovy ź Mižnarodnym valutnym fondam ab novym kredycie ŭ 2020 hodzie. Pra heta paviedamlaje Rejter sa spasyłkaj na ministra finansaŭ Maksima Jermałoviča.
«Pierśpiektyva (novaja prahrama z MVF) jość. Da hetaha pytańnia treba viarnucca ŭ 2020 hodzie», - skazaŭ Maksim Jermałovič. Na jaho dumku, vykanańnie piacihadovaj prahramy raźvićcia krainy, jakaja zaviaršajecca ŭ 2020-m, i praviadzieńnie strukturnych pieraŭtvareńniaŭ u ekanomicy dazvolać raźličvać na pośpiech u pieramovach.
Raniej užo paviedamlałasia, što pieramovy Biełarusi i MVF ab novaj prahramie i kredycie mohuć adnavicca ŭ 2020 hodzie. Takoje mierkavańnie vykazała TUT.BY krynica, znajomaja z chodam pieramovaŭ.
«Ciapier miač na baku Minska. Kredyt treba nie tolki chacieć atrymać, ale i vykonvać abaviazacielstvy. Ale, pa najaŭnaj Infarmacyi, kali nie budzie fors-mažora, Biełaruś vierniecca da Novaj prahramy MVF nie raniej za 2020 hod. Projduć vybary, buduć zavieršany niekatoryja reformy, naprykład pieraŭtvareńnie dziaržsiektara, jaho kiravańnie», — skazaŭ surazmoŭca.
Nahadajem, Biełaruś atrymała papiaredni kredyt MVF na 3,5 młrd dołaraŭ u 2009-2010 hadach.
Što zapisana aficyjnaj pryčynaj śmierci adzinaha syna Jarmošynaj?4
Kamientary