Kiraŭnik hroźnienskaha filijała pravaabarončaha centra «Miemaryjał» Ajub Cicijeŭ uznaharodžany premijaj imia Vacłava Haŭła za pracu ŭ halinie abarony pravoŭ čałavieka. Pra heta havorycca ŭ paviedamleńni pres-słužby Parłamienckaj asamblei Rady Jeŭropy.
Premiju ad jaho imia atrymaŭ staršynia savieta «Miemaryjała», bo Cicijeŭ znachodzicca pad vartaj u Čačni.
«Hetaja premija źjaŭlajecca pryznańniem pracy, jakuju jon [Ajub Cicijeŭ] «Miemaryjał» robiać. Heta taksama pasłańnie ŭsim, chto pracuje ŭ hetym rehijonie, paćvierdžańnie viaršenstva zakona i pravoŭ čałavieka. Praciahvajcie ŭ tym ža duchu, vy možacie raźličvać na našu padtrymku», — pryvodziacca ŭ paviedamleńni słovy staršyni PASIE Lilijany Mory Paskje.
Cicijeva zatrymali ŭ Čačni 9 studzienia. Paśla pieratrusaŭ u jaho mašynie znajšli narkotyki. Suprać jaho raspačali kryminalnuju spravu pa art. 228 KK RF (niezakonnaje nabyćcio, zachoŭvańnie, pieravozka narkotykaŭ).
16 studzienia pravaabaronca napisaŭ list prezidentu Uładzimiru Pucinu, kiraŭniku Śledčaha kamiteta Alaksandru Bastrykinu i dyrektaru FSB Alaksandru Bortnikavu, u jakim paviedamiŭ, što pravaachoŭniki padkinuli jamu narkotyki.
Vylecieła ŭ nieviadomym kirunku śpikierka KR Anžalika Mielnikava30
Kamientary