U Breście ŭ aŭtorak taksama prajšli sudy nad udzielnikami akcyi pratestu suprać budaŭnictva akumulatarnaha zavoda, što adbyłasia 14 kastryčnika, piša Radyjo Svaboda.
Siarhiej Piatruchin i Alaksandr Kabanaŭ atrymali pa piać sutak administracyjnaha aryštu.
Adnak paśla vyrakaŭ błohieraŭ nie zabrali adbyvać pakarańnie, jany na svabodzie.
«My pajšli da hałoŭnaha sudździ, i jon nam skazaŭ, što možam iści, — kali nas zabrać, vyrašać inšyja orhany. A sprava ŭsia ŭ tym, što pierad sudom nam na piatnicu vydadzienyja pozvy ŭ milicyju. My pryjdziem u Leninski RAUS, i nas da paniadziełka sadziać. Takim čynam, na płošču ŭ niadzielu nie vyjdziem. Vychodzić, što ŭ luby momant jany mohuć pryjści i skazać, chadziem, para adbyvać pakarańnie», — apavioŭ Alaksandar Kabanaŭ.
Napiaredadni 5 sutak aryštu za ŭdzieł u toj ža akcyi atrymaŭ i palityk Mikoła Statkievič. Jašče 7 čałaviek byli pakaranyja štrafami.
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier1
Kamientary