Alaksandr Łukašenka siońnia ŭ čas sustrečy sa studentami hrodzienskich VNU raspavioŭ ab mahčymym sposabie baraćby z uchilistami ad terminovaj vajennaj słužby.
«Adkosiš ad armii — potym nie viedaju, z kim ty aženišsia. Siońnia dziaŭčyna choča, kab pobač ź joju byŭ mužyk, a nie prosta niechta tam u štanach chadziŭ. I tamu zaraz ja dumaju, a jak chłopcaŭ, jakija pastupili ŭ VNU, padrychtavać i zrabić mužykami. My ž im adterminoŭku dajem, a potym im paśla taho, jak skončać VNU, užo nie chočacca słužyć, jany šukajuć roznyja sposaby…», — adznačyŭ Alaksandr Łukašenka.
Apytanka
Na dumku kiraŭnika, adpraŭlać studentaŭ u vojska možna na paru miesiacaŭ padčas letnich kanikuł. Paśla pieršaha kursa jany zmohuć atrymać pačatkovuju vajennuju padrychtoŭku, paśla druhoha — asvoić vajennuju śpiecyjalnaść. «Ale ŭ zaležnaści ad taho, da čaho jon bolš schilny i čym zajmajecca ŭ VNU. Kali jon radyjoelektronikaj zajmajecca, značyć, budzie S-300 asvojvać», — pryvioŭ prykład kiraŭnik dziaržavy.
Praciahnuć vajskovyja zbory možna i na nastupnych kursach. Tak, maładyja ludzi faktyčna pabyvajuć u vojsku, ale nie adryvajučysia ad vučoby. «Paśla zakančeńnia VNU, kali jon užo paniuchaje hety porach, jon budzie dobrym śpiecyjalistam. Jon atrymlivaje aficerskaje zvańnie i dzieści jašče try miesiacy paśla VNU słužyć jak aficer, rychtuje moładź i hetak dalej», — dadaŭ Alaksandr Łukašenka.
Jon zaŭvažyŭ, što realizavać heta ŭ Biełarusi, kampaktnaj krainie, nie prablema. Adnak jon źviarnuŭ uvahu, što heta ŭsiaho tolki adzin z mahčymych sposabaŭ vyrašeńnia prablemy, źviazanaj z uchileńniem ad terminovaj słužby.
Pakul prymać takoje rašeńnie nie płanujecca, prapracoŭvajucca roznyja varyjanty.
«Ale mužyk pavinien umieć razmaŭlać sa zbrojaj. U advarotnym vypadku jon nie zmoža abaranić svaju siamju, svaich dziaciej, žonku, maci.
Heta ž naša funkcyja — abaraniać i pamierci dziela žančyny. Tak było zaŭsiody», - padkreśliŭ kiraŭnik dziaržavy.
Kamientary