Аляксандр Лукашэнка сёння ў час сустрэчы са студэнтамі гродзенскіх ВНУ распавёў аб магчымым спосабе барацьбы з ухілістамі ад тэрміновай ваеннай службы.
«Адкосіш ад арміі — потым не ведаю, з кім ты ажэнішся. Сёння дзяўчына хоча, каб побач з ёю быў мужык, а не проста нехта там у штанах хадзіў. І таму зараз я думаю, а як хлопцаў, якія паступілі ў ВНУ, падрыхтаваць і зрабіць мужыкамі. Мы ж ім адтэрміноўку даем, а потым ім пасля таго, як скончаць ВНУ, ужо не хочацца служыць, яны шукаюць розныя спосабы…», — адзначыў Аляксандр Лукашэнка.
Апытанка
На думку кіраўніка, адпраўляць студэнтаў у войска можна на пару месяцаў падчас летніх канікул. Пасля першага курса яны змогуць атрымаць пачатковую ваенную падрыхтоўку, пасля другога — асвоіць ваенную спецыяльнасць. «Але ў залежнасці ад таго, да чаго ён больш схільны і чым займаецца ў ВНУ. Калі ён радыёэлектронікай займаецца, значыць, будзе С-300 асвойваць», — прывёў прыклад кіраўнік дзяржавы.
Працягнуць вайсковыя зборы можна і на наступных курсах. Так, маладыя людзі фактычна пабываюць у войску, але не адрываючыся ад вучобы. «Пасля заканчэння ВНУ, калі ён ужо панюхае гэты порах, ён будзе добрым спецыялістам. Ён атрымлівае афіцэрскае званне і дзесьці яшчэ тры месяцы пасля ВНУ служыць як афіцэр, рыхтуе моладзь і гэтак далей», — дадаў Аляксандр Лукашэнка.
Ён заўважыў, што рэалізаваць гэта ў Беларусі, кампактнай краіне, не праблема. Аднак ён звярнуў увагу, што гэта ўсяго толькі адзін з магчымых спосабаў вырашэння праблемы, звязанай з ухіленнем ад тэрміновай службы.
Пакуль прымаць такое рашэнне не плануецца, прапрацоўваюцца розныя варыянты.
«Але мужык павінен умець размаўляць са зброяй. У адваротным выпадку ён не зможа абараніць сваю сям'ю, сваіх дзяцей, жонку, маці.
Гэта ж наша функцыя — абараняць і памерці дзеля жанчыны. Так было заўсёды», - падкрэсліў кіраўнік дзяржавы.
Цяпер чытаюць
«Кіберпартызанаў» крытыкуюць за ўзлом сайта Нацбібліятэкі — бо цяпер не працуе каталог. Тыя адказалі15
Каментары