Uładzimir Pucin padčas sustrečy z pamočnikam amierykanskaha prezidenta pa nacyjanalnaj biaśpiecy Džonam Bołtanam pacikaviŭsia losam pładoŭ z aliŭkavaj halinki, jakuju trymaje ŭ adnoj z łap namalavany na hierbie ZŠA biełahałovy arłan, paviedamlaje RIA «Novosti».
«Nakolki ja pamiataju, na hierbie Złučanych Štataŭ namalavany arłan. Z adnaho boku jon trymaje 13 streł, a z druhoha — aliŭkavuju halinu, jak znak miralubnaj palityki, z 13 alivami. Pytańnie: vaš arłan užo ŭsie alivy sklavaŭ, zastalisia adny streły?» — skazaŭ Pucin, nahadaŭšy Bołtanu pra namier amierykanskaha boku vyjści z Damovy pa rakietach siaredniaj i mienšaj dalokaści.
Bołtan pryznaŭ, što aliŭkavaj haliny miru jon z saboj u Maskvu nie pryvioz («Ja tak i dumaŭ», — prakamientavaŭ hetyja słovy Pucin), ale sama hetaja halina znachodzicca ŭ pravaj łapie arłana na hierbie ZŠA.
«Tak što jon demanstruje svaje pryjarytety mienavita takim čynam», — skazaŭ Bołtan.
Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska3
Kamientary