U Viciebsku piedahohi ŭ svoj vychadny prybirali budynak fabryki-bankruta KIM. Tam čakajuć Łukašenku
U minułuju subotu kala 50 piedahohaŭ, što pracujuć va ŭstanovach adukacyi Pieršamajskaha rajona Viciebska, zajmalisia pryborkaj budynka fabryki-bankruta KIM. Piedahahičnyja rabotniki śćviardžajuć, što rabili heta pa rasparadžeńni načalstva — rajonnaha adździeła adukacyi. Pryčyna pazapłanavaha «subotnika» — na pradpryjemstvie-bankrucie čakajuć prezidenta, paviedamlaje Tut.by.
A dzieviataj hadzinie ranicy suboty, 27 kastryčnika, kala byłoj fabryki sabrałasia nie mienš za 50 vychavacielaŭ dziciačych sadkoŭ, nastaŭnikaŭ škoł, piedahohaŭ hrup padoŭžanaha dnia. Zbolšaha heta byli žančyny. Adkrucicca ad pryborki budynka KIMa było niemahčyma: usich, chto pryjšoŭ, praviarali pa śpisie.
Toje, što 27 kastryčnika na ŭborcy budynka byłoj fabryki KIM pracavali piedahohi, Tut.by paćvierdziła krynica na pradpryjemstvie:
— Miarkujecca, što na hetym tydni ŭ Viciebsk pryjedzie Alaksandr Łukašenka. Čakajecca, što, u pryvatnaści, jon naviedaje KIM. Voś ułady horada i rychtujuć pradpryjemstva da jaho vizitu. U subotu pryborkaj budynka zajmalisia piedahohi Pieršamajskaha rajona horada.
Atrymać kamientar u adździele adukacyi Pieršamajskaha rajona Viciebsku nie ŭdałosia.
Načalnik hałoŭnaha ŭpraŭleńnia pa adukacyi abłvykankama Dźmitryj Choma paviedamiŭ Tut.by, što «ukazańniaŭ, kab rabotniki vychodzili na ŭborku budynka KIM, ad upraŭleńnia nie było».
Fabryka KIM była pryznana bankrutam u 2015 hodzie.
Ciapier čytajuć
Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi17
Kamientary