У Віцебску педагогі ў свой выхадны прыбіралі будынак фабрыкі-банкрута КІМ. Там чакаюць Лукашэнку
У мінулую суботу каля 50 педагогаў, што працуюць ва ўстановах адукацыі Першамайскага раёна Віцебска, займаліся прыборкай будынка фабрыкі-банкрута КІМ. Педагагічныя работнікі сцвярджаюць, што рабілі гэта па распараджэнні начальства — раённага аддзела адукацыі. Прычына пазапланавага «суботніка» — на прадпрыемстве-банкруце чакаюць прэзідэнта, паведамляе Tut.by.
А дзевятай гадзіне раніцы суботы, 27 кастрычніка, каля былой фабрыкі сабралася не менш за 50 выхавацеляў дзіцячых садкоў, настаўнікаў школ, педагогаў груп падоўжанага дня. Збольшага гэта былі жанчыны. Адкруціцца ад прыборкі будынка КІМа было немагчыма: усіх, хто прыйшоў, правяралі па спісе.
Тое, што 27 кастрычніка на ўборцы будынка былой фабрыкі КІМ працавалі педагогі, Tut.by пацвердзіла крыніца на прадпрыемстве:
— Мяркуецца, што на гэтым тыдні ў Віцебск прыедзе Аляксандр Лукашэнка. Чакаецца, што, у прыватнасці, ён наведае КІМ. Вось улады горада і рыхтуюць прадпрыемства да яго візіту. У суботу прыборкай будынка займаліся педагогі Першамайскага раёна горада.
Атрымаць каментар у аддзеле адукацыі Першамайскага раёна Віцебску не ўдалося.
Начальнік галоўнага ўпраўлення па адукацыі аблвыканкама Дзмітрый Хома паведаміў Tut.by, што «указанняў, каб работнікі выходзілі на ўборку будынка КІМ, ад упраўлення не было».
Фабрыка КІМ была прызнана банкрутам у 2015 годзе.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары