Byłaja vučanica himnazii №31: «Ja adrazu paznała hołas na zapisie. Dumaju, spravu zamnuć»
Nastaŭniki himnazii raskazvajuć, što paśla pačatku skandału namieśnica dyrektara himnazii Inesa Achramovič źnikła na dva dni, adnak paśla praciahnuła pracu. Byłaja dyrektarka himnazii № 31 ciapier deputatka Pałaty Pradstaŭnikoŭ, piša Radyjo Svaboda.
30 kastryčnika Svaboda apublikavała zapis, na jakim vučniaŭ adnoj z klasaŭ 31-j himnazii pierakonvajuć ustupać u BRSM. Hołas, padobny da hołasu namieśnicy dyrektara himnazii pa vychavaŭčaj pracy Inesy Achramovič, nastojliva rekamenduje vučniam uvajści ŭ BRSM, kab nia mieć prablemaŭ pry pastupleńni ŭ VNU.
«Nas faktyčna pastavili pierad faktam, što my ŭ BRSM»
Patrycyja Śvicina advučyłasia ŭ himnazii № 31 Miensku ŭsie 11 hod. Skončyła vučobu minułym letam, pastupiła ŭ Biełaruski dziaržaŭny ŭniversytet kultury, prafesijna zajmajecca śpievami. Havoryć, što hołas na skandalnym zapisie paznała adrazu.
«Ja rolik hety bačyła, viadoma. I pa hołasie adrazu paznała, što heta naša Inesa Hienadzieŭna, — raskazvaje Patrycyja. — Potym užo pačała čytać dalej i zrazumieła, što heta pra našu himnaziju».
Pa słovach Patrycyi, amal uvieś čas jaje vučoby ŭ 31-aj himnazii prypaŭ na časy inšaha dyrektara — Hanny Staravojtavaj. Nie pracavała tady i Inesa Achramovič. Jana źjaviłasia ŭ himnazii paśla parlamenckich vybaraŭ 2016 hodu razam z novaj dyrektrysaj. Staraja dyrektarka Hanna Staravojtava pieramahła na vybarach i trapiła ŭ Pałatu pradstaŭnikoŭ, dzie pracuje i zaraz. Patrycyja havoryć, što pry Staravojtavaj paradak pryniaćcia vučniaŭ u BRSM byŭ inšy.
«U nas było inačaj, prosta prasili ŭstupić u BRSM i ŭsio. Uvohule navat prosta pryjšli i skazali, što patrebnyja našy fotazdymki i ŭsio, — havoryć Patrycyja. — Ale my nikoli nie płacili nijakich składak, nie ŭdzielničali ŭ pracy arhanizacyi. Nas faktyčna pastavili pierad faktam, što my tam. Na hetym usio i skončyłasia. Pra BRSM my bolš nie zhadvali. Pratestaŭ z boku vučniaŭ asablivych nie było tady. Ale ja, naprykład, tak i nie pryniesła svoj fotazdymak i bilet dali ŭ ruki naprykancy navučańnia, u 11 klasie. I fotazdymka majho ŭ tym bilecie niama».
Patrycyja Śvicina havoryć, što ŭdzieł vučniaŭ jaje klasy ŭ dziejnaści BRSM faktyčna abmiežavaŭsia ŭstupleńniem. Da samaha kanca vučoby pra svajo siabroŭstva tam amal nichto nie zhadvaŭ, nie pravodziŭ BRSM u 31-aj himnazii i niejkich značnych mierapryjemstvaŭ. Prynamsi, Patrycyja pra takija nie pamiataje.
«Zaraz novy dyrektar u himnazii i ŭsio mianiajecca, — havoryć byłaja vučanica. — Mnie zdajecca, što spravu zamnuć i ŭsio. I zabuduć».
«Pry staroj dyrektrysie Staravojtavaj jana b adrazu straciła pracu»
Maci Patrycyi Śvicinaj Alena taksama raskazvaje, što pieramieny ŭ himnazii № 31 adbylisia paśla źmieny dyrektrysy. Novaja, Alena Mazurkievič, pryviała z saboj kamandu zavučaŭ, niekatoryja staryja nastaŭniki syšli.
«Tam šmat što źmianiłasia paśla sychodu Staravojtavaj u parlament, — havoryć Alena Śvicina. — Kali pačaŭsia hety skandał z zapisam, ja zvaniła nastaŭnikam. Kantakty zachavalisia. Jany raskazali, što namieśnica dyrektara, čyj hołas hučyć na zapisie, źnikła na niekalki dzion. Usie ŭžo dumali, što jana bolš nie źjavicca. Ale potym viarnułasia na pracu, chodzić zaraz pa himnazii, byccam ničoha nie było. Pry staroj dyrektrysie Staravojtavaj jana b adrazu straciła pracu».
Alena Śvicina taksama miarkuje, što spravu ŭ himnazii pasprabujuć zamiać i namieśnica dyrektrysy praciahnie pracu. «Treba zaraz petycyju stvarać, kab jaje prybrali z himnazii», — havoryć žančyna.
U Minadukacyi admovilisia raśśledavać zdareńnie, spasłaŭšysia na ananimnaść rolika. U Centralnym aparacie BRSM videa nazvali «jeraśsiu niesuśvietnaj».
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary