U ZŠA zapuścili miechanizm razhladu pakieta mier suprać Rasii, jaki atrymaŭ nieaficyjnuju nazvu «drakonaŭskija sankcyi». Pra heta BBC raspavioŭ pradstaŭnik Dziarždepartamienta ZŠA Devid Teśler.
Pieršy pakiet abmiežavańniaŭ byŭ uviedzieny jašče ŭ kancy žniŭnia 2018 hoda jak reakcyja ZŠA na atručvańnie ŭ Brytanii byłoha pałkoŭnika HRU Siarhieja Skrypala i jaho dački Julii małaviadomym niervova-paralityčnym rečyvam.
Kanhres daŭ Rasii 90 dzion na toje, kab rastłumačyć situacyju z atručvańniem Skrypaloŭ u Sołśbiery, a taksama dać harantyi, što jana bolš nie budzie vyrablać i vykarystoŭvać chimičnuju zbroju.
«Siońnia my paviedamili Kanhresu, što rasijski ŭrad nie vykanaŭ raniej ahučanyja krytery. Takim čynam, zapuskajecca miechanizm uviadzieńnia druhoha raŭnda sankcyj», — rastłumačyŭ pradstaŭnik Dziarždepartamienta.
Druhi pakiet sankcyj praduhledžvaje ŭviadzieńnie žorstkich abmiežavańniaŭ suprać Rasii:
- zabaronu dla amierykanskich bankaŭ na davańnie kredytaŭ uradu Rasii, kali heta nie kredyty na kuplu praduktaŭ charčavańnia abo sielskahaspadarčaj pradukcyi;
- praktyčna poŭnaja zabarona na ŭzajemny handal. Vyklučeńnie tolki dla ekspartu z ZŠA tavaraŭ sielskahaspadarčaha siektara;
- abmiežavańnie abo zamarozka dypłamatyčnych adnosin pamiž ZŠA i ŭradam Rasii;
- zabarona na avijapieraloty kampanijam, jakija kantralujucca ŭradam krainy. Pad hetuju normu padpadaje «Aerafłot».
Zakon taksama praduhledžvaje ŭviadzieńnie piersanalnych sankcyj suprać ludziej, jakija ŭdzielničali ŭ raspaŭsiudžvańni chimičnaj zbroi.
Akramia taho, paralelna z «drakonaŭskimi sankcyjami» ŭ Kanhresie ZŠA razhladajecca i zakonaprajekt, jaki jaho aŭtary nazvali «sankcyjami ź piekła».
U ekanamičnaj častcy zakonaprajekta źmiaščajecca zabarona na apieracyi i zamarožvańnie aktyvaŭ u ZŠA siami rasijskich bankaŭskich struktur, jakija ŭžo znachodziacca ŭ sankcyjnym režymie, u tym liku «Śbierbank», VTB, VEB i «Promśviaźbank».
Dakumient prapanoŭvaje raspaŭsiudzić manitorynh parušeńnia sankcyj na dziejnaść strachavych kampanij i inšyja punkty, a taksama pryznać Rasiju dziaržavaj, što spansiruje teraryzm.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary