Upieršyniu musulmanki vyjhrali na vybarach u Kanhres ZŠA. Adna ź ich — biežanka z Samali z tryma dziećmi
Uciakačka z Samali i 37-hadovaja maci traich dziaciej Ilchan Amar i dačka paleścinskich imihrantaŭ Rašyda Tłaib stali pieršymi musulmankami, jakija ŭ vyniku pramiežkavych vybaraŭ uvojduć u pałatu pradstaŭnikoŭ.
Ilchan Amar — 37 hadoŭ, jana naradziłasia ŭ Samali i była siomym i samym małodšym dziciem u siamji. Dziaŭčynka rana straciła maci, zatym pačałasia hramadzianskaja vajna, i siamja Amar spačatku źbiehła ŭ Kieniju, dzie čatyry hady pražyła ŭ łahiery dla biežancaŭ, a zatym atrymała prytułak u ZŠA.
Da momantu pierajezdu dziaŭčyna razmaŭlała tolki na samalijskaj, ale chutka asvoiłasia i nieŭzabavie zmahła pierakładać dla dziaduli, jaki lubiŭ chadzić na palityčnyja schody. Amar skončyła univiersitet Paŭnočnaj Karaliny, atrymaŭšy zvańnie bakałaŭra palitałohii. Jana pracavała śpiecyjalistam-dyjetołaham, asablivuju ŭvahu nadajučy dziciačamu charčavańniu.
Da hetaha momantu ŭ Amar ŭžo było troje dziaciej ad pieršaha hramadzianskaha muža: niahledziačy na toje, što i jana, i jaje partnior — musulmanie davoli strohich praviłaŭ, u 2002 hodzie para zaručyłasia i padała zajaŭku ab ustupleńni ŭ šlub, ale samoj cyrymonii nie było. Muž i žonka pražyli razam šeść hadoŭ i pryniali rašeńnie ab zakančeńni adnosin, Amar nieŭzabavie vyjšła zamuž za inšaha mužčynu, ale praz dva hady raźviałasia i viarnułasia da baćki svaich dziaciej, ź jakim jany hety raz usio ž raśpisalisia.
Paralelna Amar taksama zajmałasia palityčnymi kampanijami, kiravała štabami kandydataŭ u sienat i pałatu pradstaŭnikoŭ štata Miniesota. U 2016 hodzie jana pieramahła na vybarach u miascovuju pałatu pradstaŭnikoŭ — jaje asnoŭnym kankurentam z boku respublikancaŭ byŭ taki ž, jak i jana, vychadziec z Samali.
Ilchan Amar uvajšła ŭ žanočuju zału słavy Demakratyčnaj partyi, pra jaje źniaty dakumientalny film, jana taksama trapiła ŭ śpis žančyn, jakija źmieniać śviet, pavodle viersii časopisa Time za 2017 hod.
Suprać Amar zmahałasia Dženifier Zialinski — respublikanka, jakaja pracuje ŭ adździele psichičnaha zdaroŭja niekamiercyjnaj miedycynskaj arhanizacyi.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary